超平泊車

香港地養車好貴, 其中一樣最大既開支, 就係泊車。郁 D 就十幾廿蚊.... 尤其係 D 旺區!

但港鐵就有著數益大家, 係佢期下既停車場 (e.g. 香港站, 奧海城, 紅磡站, etc.), 最平只需要 $3 就可以泊一個鐘, 由朝泊到晚都得。不過就當然要幫襯下 港鐵, 搭返程車啦。大家可以覺得好煩, 但識得用 (就以下例子), 除左慳泊車錢, 仲慳埋隧道費同過海塞車既時間:

1. 由新界渣車(經尖山)出奧海城 --> 泊車轉港鐵 --> 東涌線過海 --- 沿途都唔會塞車 (尖山隧道無乜車行), 仲可以 $5 /hr 泊車, 又慳過海隊道 費同時間.
2. 渣車到東港城 --> 泊車轉港鐵 --> 將軍澳線過海 --- $6/hr 泊車, 去港島東唔使怕東廊塞車
3. 港島/九龍渣車到紅磡車站 --> 泊車轉港鐵到新界 / 返大陸 --- $70 一日, $120 兩日, 第三日開始 $60 一日

其實仲有好幾個停車場有泊車優惠, 大家可以參考下:

• 香港站停車場 ($15/hr)
• 九龍站停車場 ($10/hr)
• 青衣站停車場 ($7/hr)
• 奧海城一期商場停車場 ($5/hr)
• 東港城停車場 ($6/hr)
• 彩虹站停車場 ($6/hr)
• 錦上路站停車場 ($3/hr, $20/day)
• 紅磡站停車場 ($70/day)
• 上水站停車場 ($3/hr)

至於點拎個優惠, 詳情可以睇返 MTR 網頁: http://www.mtr.com.hk/chi/train/scheme_index.html

NIKE鞋有保養，回收檢查詳情

一向以為電子野先有保養做，原來NIKE鞋都有官方一年保養，如果不幸買到次貨，都有個途徑爭取下。
以下係經驗分享，資料唔保証百份百準確。

回收方法

1. 官方提供一年保養，唯一可以證明你係一年內買鞋既，就係張單，所以一定要keep單！
2. 全港只係得一間指定鋪頭會做回收（地址寫起下面），職員話會拎返廠檢查。
3. 回收個陣職員會要求你比埋張單佢，如果即時無，可以事後提供。
4. 回收起十五個工作天內會通知你檢查結果，個陣先知有無得賠。

賠償方法

1. 如果NIKE有貨，當然會換番對鞋比你。
2. 如果己經斷貨，就會叫你去同一間鋪頭換返同等價值既貨品，佢會話你知你對鞋原價值幾錢。
3. 返到鋪頭，要帶埋回收張form搵職員，如果係叫你換貨品，可以問佢換既貨品係咪以賣價既9折計算。
4. 如果想換既貨品超出賠償金額，可以補差額購買。

補充一下，唔好以為NIKE專門店就有好多野賣，其實款式唔算好多，就算佢肯比你換同等價值既野，都唔知係咪一定有心頭好架。

指定回收鋪頭
鋪頭名：Nike Hong Kong
地址：尖沙咀廣東道30號G04-G05號舖（即海防道與廣東道交界，新港中心2座）
電話：23752175

中銀x交通，決戰中原

中銀
可以起中銀網站下載現金券，包括「消費滿$5,000減$300」、「消費滿$2,000減$100」、「消費滿$1,000減$50」，但係限制多多，唔適用於購買iPod、電腦、配件及特價產品，亦不適用於購買減價/特價產品。應該都無乜貨品唔係減價品囉。
同時，中原亦係「積分當錢使」計劃，200分當$1找數，免除換現金券既麻煩。 優惠去到7月31日。
http://www.boci.com.hk/pdf/chi/shop/shop18.pdf

交通
今次推廣就以交通正D，消費滿$500（折實價），可以有5倍現金回贈或者積分，不設上限。計番都有2%回贈，仲要以折實價計，唔怕唔岩洗。
另外，佢都有「正價滿$2000減$100」現金券，同消費滿$1,000可24個月免息分期，優惠同樣去到7月31日。

6月30日或之前，交通仲有之前介紹過既「一千激賞」，消費滿$1,000/$2,000/$8,000可以換額外禮品，抵上加抵。
http://www.bankcomm.com.hk/mediafiles/images/spending_program_phase2.JPG

申請恒生個人e-Banking送Cash Dollars

恒生為登記個人e-Banking做推廣，適用於恒生信用卡主卡持有人，推廣期至8月31日，要拎晒所有Cash Dollars，就要留意晒呢三個階段：

第1階段（即日至2009年8月31日）
第1步：登記恒生個人e-Banking
第2步：完成1項「指定網上交易」
做晒就送$20 Cash Dollars！

第2階段（即日至2010年1月31日）
透過e-Banking轉用e-Statement電子月結單或「e-投資通知書」服務，參加每季大抽獎，呢個抽獎其實係舊客戶轉e-Statement都有既~
http://www.hangseng.com/hsb/chi/pmo/grp01/p08/index.html

第3階段（2009年9月1日至10月31日）
做完第1階段既第1、2步之後，要再完成3項唔同類別既「指定網上交易」，其中要包括「投資及定期存款」或「其他」類別 。
做晒呢D就送$100 Cash Dollars！

指定網上交易
第1同第3階段既指定網上交易就要睇睇呢度：
http://www.hangseng.com/hsb/chi/pmo/onl/pibpmo/services.htm

睇完就覺得第3階段都唔易拎，怕多野搞，淨係拎最初既$20 Cash Dollars都OK既，呢度都有D相對容易既網上交易：

• 「賬戶服務」類：轉賬港幣去其他恒生戶口
• 「賬戶服務」類：網上繳費，但係用信用卡比錢就唔計算
• 「投資及定期存款」類：做新定期存款
• 「信用卡」類：申請信用卡，但係要推廣期內成功批核先得
• 「其他」類：轉用e-Statement電子月結單

MyTV睇「星期日檔案」，認識消費陷阱

TVB網頁個MyTV真係幾方便，除左成日賣廣告既「畢打自己人」同其他劇集之外，仲有好多綜藝資訊節目。
呢個禮拜既「星期日檔案」（2009年6月7日）講消費陷阱，包括呢幾種：

• 誤導商品說明
• 餌誘式銷售
• 預繳式服務
• 高壓推銷手法
• 不公平合約條款
• 失實廣告
• 資訊不足

呢D陷阱平時都聽唔少，今次可以溫故知新，仲有個案分享，希望大家都唔會誤中圈套啦！

即刻去MyTV：
http://mytv.tvb.com/news/sundayreport/28084

本地幼稚園小學特殊學校學生限定! 一張小童飛價錢可得迪士尼6月通行證

政府剛宣佈本地幼稚園、小學及特殊學校停課14日，迪士尼就推出一個特別優惠俾 班無書讀的小朋友。本地幼稚園、小學及特殊學校的學生可以$250買剛推出的6月 通行證(可於6月12日至30日無限次去迪士尼玩)。之前小童一日門票都要$210，今 次加多$40就玩成大半個月，唔知各位家長又有無興趣喇。

詳情及條款請參閱以下網址：
http://park.hongkongdisneyland.com/hkdl/zh_HK/special/listing?name=JunePass2009Page

講多少少，如果各位家長得閒的話，其實可以同小朋友連玩兩日，可以考慮用埋呢 個6月迪士尼的酒店優惠:
http://park.hongkongdisneyland.com/hkdl/zh_HK/special/listing?name=SpecialOffersHKRStayNTicket2009Page

父親節蛋糕系列

6月21日就係父親節，各位孝順仔女，想用最抵既價錢買個靚靚蛋糕比爸爸，就要留意下面既介紹！

東海堂
匯豐卡低至72折
蛋糕款式可參考呢度：http://www.aromebakery.com.hk/site/tc/festival.asp
A1. 父の別注服（脆米朱古力慕思蛋糕），原價$165/磅，特價$132/磅
A2. 桌球達人（意大利芝士芒果蛋糕），原價$165/個，特價$118.8/個
A3. 親子足球兵團（綠茶意大利芝士蛋糕），原價$158/磅，特價$126.4/磅

大班麵包西餅
有指定推廣蛋糕，2磅都係$199炸
http://www.taipan.com.hk/taipan_www/tc/images/news/father2009.jpg

Pappagallo
指定蛋糕有優惠價，唔需要指定信用卡
http://www.pappagallo.com.hk/services/eshop/main.php?action=list&CatType=Category&CatID=21&lang=tw

美心西餅
渣打卡或Manhattan卡有8折

聖安娜
恒生卡有8折

A-1 Bakery
雖然唔係父親節特色蛋糕，但係都可以睇下6月推介
http://www.a-1bakery.com.hk/chi/products/p-fresh-monthly.php

龍島
買蛋糕（$218-$268）送朱古力零食禮盒
http://www.lucullus.com.hk/big5/PromotionOffer.asp

中銀卡商務印書館優惠

由即日至6月21日，起商務印書館用中銀卡有以下優惠：

• 指定圖書低至5折，可以去下面個網址睇有乜書，但係優惠只限門市，唔包城大分店
• 每周驚喜價購買指定圖書，今期（6月10至15日）既其中一本係「一百萬零一夜」電影小說，原價$76，特價$48
• 消費滿$300送「閱讀優惠卡」，直至09年12月31日黎商務買野有9折
• 以優惠價$2,188買朗文同商務合作既電子辭典Wi-5 Infinity 8100（原價$2,988），仲送iPod Speaker

優惠書目：
http://www.cp1897.com.hk/generatedBookList/sales_boc_090601.php#booklist

起商務即場申請中銀卡都會比張臨時卡你，等你享用上面既優惠。

同埋，由即日起至09年12月31日，用中銀卡起商務簽賬，可以以200積分當$1洗。唔洗等儲夠分再換$100禮券，都幾方便架。

恒生卡「美心中菜」低至75折

由即日至7月31日（6月20日、6月21日、7月1日除外），用恒生卡到呢D美心食肆就有優惠：

• 75折食潮洲菜：潮庭、潮江春、聚豪閣
• 88折食粵菜：美心皇宮（大會堂及旺角店除外）、美心大酒樓、美心金閣、映月褸、粵翠軒、八喜
• 88折食其他外省菜：洞庭樓、北京樓（歷山大廈及太古廣場分店除外）、又一棧、喜百合、映山紅、北京人家、紫玉蘭

平時美心食野都中高價檔次，有88折就當免加一啦！
同時間食滿$400（八喜只要$300），仲可以用$1 Cash Dollar加多碟小菜，Cash Dollar即刻大升值，無理由唔用佢啦！爽呀！
http://www.hangseng.com/hsb/chi/pmo/grp04/p18/index.html

本地遊之選: 教你至抵方法遊海洋公園! (補充)

由即日起至6月18日，只要於惠康購物滿$50，憑單據折扣券即可以7折換購海洋公 園日間門票1張！即係$145.6一張！

早前我地都介紹過6折買飛（可以睇番下面條link）： http://projectpan.blogspot.com/2009/05/blog-post_01.html 如果你（或者你嘅朋友）唔係今個月生日，用惠康依張7折折扣券就係最抵喇！

八達通日日賞推廣：自動增值與惠康購物

由今日至7月31日，新申請八達通自動增值，會免費送您日日賞$：

• 如選擇每次自動增值$500，可得日日賞$50
• 如選擇每次自動增值$250，可得日日賞$30

送日日賞$都正過送簽賬額架，因為有時日日賞$1都多過$1 cash~
睇清楚條款：http://www.octopuscards.com/aavs2009/tc/index.html

另外，宜家去惠康或者MarketPlace買野，有D指定貨品係有額外5x、8x、10x日日賞$！
計埋呢D優惠，分分鐘平過百佳架！

麥當勞、Super Sandwich優惠價食品

麥當勞
超值選換左畫，無左$9豬柳蛋漢堡，換入$10魚柳飽。廣告無左「款款唔過八蚊雞」口號之後，超值選已經正式踏入雙位數字！
同期仲有$6蕉蕉脆批，至於$5綠茶就唔知幾時加入既。

Super Sandwich
佢都有官方網頁放coupon，宜家推廣「蜜味火腿、芝士、蘑菇熱烘意大利包」，$29單買，$35套餐。早上11點後使用，至6月19日。
http://www.olivers-supersandwiches.com/e-coupon/e-coupon.php

山頂纜車121周年獻禮

「親親山頂情」
為慶祝山頂纜車121周年，由即日至6月21日，於中環花園道山頂纜車總站購買成人票（12-64歲），可用$1購買小童（3-11歲）一張，優惠適用於纜車來回票及摩天套票（纜車 + 凌霄閣摩天台）。

宜家上網登記，仲可以免費獲得以下$1優惠券：

• 山頂明珠餐廳 - 春夏3道菜午餐，只須$98起，憑券加$1，享用額外一份午餐（只適用於星期一至五午市）
• 天一酒家 - 惠顧特選午餐一客，憑券加$1享用同款套餐多一客（價值：$150）
• 巨八日本料理 - 惠顧滿$500（不包括加一服務費），憑券加$1即可換取「炸軟殼蟹卷」一客（價值：$188）
• 阿甘蝦餐廳 - 兩位成人惠顧兩個主菜和兩杯特飲，憑券加$1可換購兒童餐一份
• 香港杜莎夫人蠟像館 - 憑券加$1可獲免費蠟手一隻（價值$40）

快D去呢度登記！
http://www.thepeak.com.hk/121years/tc/121years.html

山頂與迪士尼
另外，凌霄閣有尋找米奇活動，只要找出6個米奇遊戲牌及答中所有問題，即可獲得迪士尼精美禮品一份。

起凌霄閣消費滿$300（最多兩張即日收據），亦可以得到迪士尼雨傘一把。入場票係唔計算既，詳情請睇下面個網址。
http://www.thepeak.com.hk/docs/news/Disneyland%20A4%20ad.pdf

Haggen Dazs免費請你食脆皮雪糕批

Haggen Dazs送出10,000件「特脆朱古力杏仁」脆皮雪糕批，記住下面時間同地點：

觀塘 - APM
6月5日（星期五）晚上5時至7時
6月6日（星期六）中午12時至下午2時
6月7日（星期日）中午12時至下午2時

金鐘 - 金鐘廊
6月10日（星期三）中午12時至下午2時
6月11日（星期四）中午12時至下午2時

銅鑼灣 - 銅鑼灣地帶
6月12日（星期五）晚上5時至7時
6月13日（星期六）下午3時至5時
6月14日（星期日）下午3時至5時

KFC 又有官方優惠券

KFC又推出官方優惠券，直接到以下官方網端下載並列印使用：
http://kfchk.com/coupons/kfc_coupons.pdf
一次過有43張唔同優惠券，有D可以早餐用，有D就俾你下午茶同晚餐用，都算幾有誠意！

PPS交新單，送Figure

PPS有新推廣，由六月至九月，只要交新單，就有機會獲得「PPS x Danny Chan」既「Kill Bills Cat」別注版Figure一隻。每個月一款Figure，每款有300隻，送比頭300名交新單既人士。

六月可能趕唔切啦，七、八、九月就加油啦！
https://www.ppshk.com/hkt/revamp2/luckyDraw/chi/landing_c.html

恆生信用卡Catalog 5 折優惠

由現在起到6月中，憑恆生信用卡於 Catalog 購物可享低至 5 折優惠

另外，購買任何兩件貨品單一簽賬淨值滿$600或以上，更可有以下雙重優惠

• $20 Cash Dollor 當 $60 使用 (不足$20 Cash Dollars 亦可作3倍現金使用)
• 送獨家限量crocs直身雨傘 (價值$279)

詳情可參考: http://www.cataloghk.com/

UA日睇夜睇優惠

UA優惠真係停不了，直至7月11日，起UA票房買飛就送：

• $10戲飛現金券（全天侯、全線通用，包括IMAX）
• $10小食券（要買滿$40先用得）

雖然話係「全天侯、全線適用」，其實佢同信用卡折扣差唔多，都係大部份指定電影唔用得。
以東亞卡為例，以下電影都唔用得：

• 怪誕隨意門（3D數碼版）
• 天使與魔鬼
• 翻生侏羅館2（35mm版）
• 未來戰士2018
• 星空奇遇記

而呢五套戲入面，現金券就適用於「天使與魔鬼」，只係好少少架炸。
所以真正平比你既，就係買小食啦。

美心鳳梨酥現金券

去過台灣玩，應該都會食過鳳梨酥，口痕又無得飛去台灣，都可以睇下美心今次個推廣。
鳳梨酥禮盒$48，有4件「松子鳳梨酥」同4件「香港鳳梨酥」，原價$54，現金價$48盒。6月14日前，用現金券仲可以去到$44盒炸。
http://promotion.pacim.com/maxims_enews/edm_tc.asp?id=112

上海商業銀行信用卡迎新：iPod nano或$500

呢排信用卡迎新少左D吸引力，今次介紹既上銀信用卡雖然回贈有$500，但係佢既要求就有少少難度，即睇！

• 4GB iPod nano：2人取卡，每人於首2個月內簽$4800，只適用於Titanium卡或Platinum卡
• 1GB iPod shuffle：於首2個月內簽$4800，只適用於Titanium卡或Platinum卡
• $500免找數簽賬額：於首2個月內簽$4000，只適用於Titanium卡或Platinum卡
• $300免找數簽賬額：於首2個月內簽$1500
• Amytel室內無線電話（子母機）：於首2個月內簽$1500
• 美的黑晶2000w電磁爐：於首2個月內簽$1500

除左得2個月時間比較短之外，要留意有關簽賬係不包括八達通自動增值架！
申請表格：http://www.shacombank.com.hk/bankscb/pdf/b5_CRD001.pdf

如果無安信信用卡，都係申請佢容易D，睇番呢個「申請安信精明卡FAQ，拎1.8%現金回贈 」啦！

數碼化即影即有

寶麗萊(Polaroid)呢個名字基本上同即影即有畫上等號，但係踏入數碼時代就有了即影即睇，即影即有就無咁流行。寶麗萊差不多在一年前宣佈不再出即 影 即有機專用菲林（但不排除將專利售予其他人），令一班忠實Fans（可能你係其中一個）感到可惜。果種等相乾的感覺同埋獨有色調暗角彷彿會被取縍，不過唔駛驚，有左以下落黎介紹的software後，可能可以令你重拾當年感覺。

呢個軟件叫Poladriod，串法同Polariod好似，顧名思義，就係扮Polaroid。Mac版就出左一排，Windows版的beta version就上年聖誔左右出。一出就即係download黎玩，感覺只得一個字　－　正！

個program好易玩，開program然後將你要寶麗萊化的相拉落部仿寶麗萊機度，部機就會出即影即有相。玩開即影即有的都會知道要等張相乾，等一兩 分鐘就會乾（想令到佢快D乾？得，用mouse不斷fing幅相啦！）。以下為screenshot（有一張乾左，三張仲等緊）：



個program仲可以俾你加暗角同加手指模添。俾D 私家樣版大家睇先：
原相：


寶麗萊後：


原相：


寶麗萊後：


原相：


寶麗萊後：


原相：


寶麗萊後：


想download黎玩，去官網啦：http://www.poladroid.net/

唔駛俾錢買photoshop再整action scripts就可仿效到像真度頗高的即影即有相，得閒玩下相都好。玩得開心未俾D錢果個developer囉。

換台幣 (NT$)

最近睇電視, 話多左人去台灣, 原因係台幣平左。但身為 Project Pan member, 平野入面都要搵到最平既!

好多時大家換台幣, 可能會到 D 細銀行或兌換店, 睇下邊度會平少少。本地找換 店黎講, 中環既百年找換有限公司應該係最抵, 不過辦工時間同地點都未必咁方便:

營業時間: 星期一至五 上午九時十五分至下午四時正; 星期六: 上午九時十五分 至下午十二時正
地址: 中環 德輔道中 61-65 號 華人銀行大廈 1703 室

最重要既係, 佢都未係最抵既換台幣地方.... 事實上, 最抵既地方, 唔使左搵右 搵, 就係大家既目的地 -- 台灣。只要一上台灣銀行網頁, 就不難見到台灣既匯率 比香港好好多。

以兆豐銀行為例 (https://www.megabank.com.tw/other/bulletin02_02.asp) 每 1 港幣可兌 4.281 新台幣

而香港銀行平均係 (http://www.hkab.org.hk/asp/public/exchangeRate.asp?lan=en) 每 1 新台幣兌 23.63 港幣 (即每 1 港幣可兌 4.232 新台幣)

相差有成 1% 以上! 而且台灣銀行係機場既入境範圍有分行, 仲要 24小時營業, 絕對方便過係香港去生卡拉地方搵兌換店或細銀行。不過要注意係銀行每次會收返 $30 新台幣 (約 HK$7) 做手續費, 所以最好每次換多少少。

影低 Logo 任泊 3 粒鐘

講到泊車優惠多花臣，一定係非荷里活廣場莫屬，之前有著紅色衫免３個鐘，三八 婦女節對身份證冧巴又有３個鐘，今次就影低荷里活廣場 Logo 有３個鐘！

只要你用任何攝影器材（相機、手機等等）影低荷里活廣場正門個 Logo，去到停 車場繳費處出示就可以唔使消費都有任泊 3 粒鐘，去去開嗰度行街或者去附近嘅 朋友記住帶手機喇！！！

去廣州、番禺玩！廣九直通車週末優惠

之前講左番禺長隆景點既優惠，岩心水既話仲可以去埋廣州玩，由長隆景點去廣州只係需要搭廣州地鐵就到，非常方便。
至於起香港點去廣州，就要睇埋呢個介紹。

廣九直通車優惠
由即日起至10月31日期間，推出優惠來回車票，成人為$230，小童為$190。需要到指定旅行社購買廣東省景點門票或酒店訂房先可以享用呢個優惠，亦只適用於以下班次：

1) 香港 - 紅磡站出發
星期五 T812，07:25開，09:20到達
星期六、日 T812，07:25開，09:20到達
星期六、日 T824，08:18開，10:09到達

2) 廣州 - 廣州東站出發
星期六、日、一 T827，20:15開，22:05到達
星期六、日、一 T811，21:32開，23:25到達

指定旅行社

• 香港中國旅行社（電話：2998 7888）
• 錦倫旅運（電話：2744 7013）
• 太古旅遊（電話：3151 8888）
• 西敏旅行社（電話：2313 9800）
• 油麻地旅遊（電話：2856 3938）
• 富聯美國運通旅遊（電話：3121 3121）
• 華閩旅遊（電話：3106 6777）
• 佳天美香港有限公司（電話：2734 9288）
• 歐美旅行社（電話：2739 3398）
• 捷成旅遊（電話：3180 3241）
• 新景旅行社（電話：2334 7351）

廣深鐵路又快又平
雖然直通車係平左，但其實起羅湖出閘，行幾分鐘就可以到達深圳火車站，搭國產子彈火車「和諧號」都可以去到廣州。

以二等座位計，站站停既列車只要66分鐘就到達廣州東站，價錢為人民幣$75。至於中途不停站列車只要52分鐘，盛惠人民幣$80，但每日每邊只有兩班不停站列車。

廣深鐵路班次好密，平均十幾分鐘就有一班，雖然叫做二等座位，但係比廣九直通車更舒服。
如果唔係怕起深圳過關，起羅湖過關搭廣深鐵路，會比起廣九直通車更平！

KFC 免費派套餐

呢個世界竟然係有免費午餐呢回事!? KFC 係5月14-15日就會免費派出 1980 份套餐。時間係上午 11 點開始, 先到先得。有時間記住去以下幾間 KFC 分店, 撲返 個免費午餐 lu~~~

金鐘海富中心分店/ 香港夏愨道18號海富中心地下42-68號A舖
尖沙咀金馬倫道分店/ 九龍尖沙咀金馬倫道2-4A號一樓
銅鑼灣羅素街分店/ 香港銅鑼灣羅素街2-4號2000年廣場1號舖
沙田新城市廣場分店/ 新界沙田新城市廣場3期第一層A132號舖
觀塘APM分店/ 九龍觀塘道418號創紀之城5期apm2樓L2-1舖

http://gourmet.esdlife.com/features/chi/articles.php?id=2427

「2009香港國際博物館日」免費入博物館

5月16、17日係「2009香港國際博物館日」，康文署轄下既博物館都免費開放（部份專題依然要收費），部份本地展館同文化機構都有免費開放，好似濕地公園、稻鄉飲食文他博物館咁。
http://www.lcsd.gov.hk/specials/imd2009/b5/programmes.php

另外，康文署仲有博物館全年入場證，憑海洋公園全年入場證仲有9折添！
http://www.lcsd.gov.hk/specials/imd2009/b5/pass.php

講開濕地公園同海洋公園，記得睇埋之前既介紹，格到最抵！
去濕地公園，港鐵有優惠！
本地遊之選: 教你至抵方法遊海洋公園!

麥當勞、吉野家優惠

麥當勞出左新一期既買一送一美食優惠咭，買咭價錢維持起$10，依然係兩位用吹水既好選擇：
http://www.mcdonalds.com.hk/chinese/food/valuecard/index.htm

呢個月既星期六、日同公眾假期，食兩個超值套餐仲送你開心樂園餐，要去印優惠券先得。今期既開心樂園餐玩具係大受歡迎既多啦A夢呀！
http://www.mcdonalds.com.hk/chinese/about/happymeal/coupon/

吉野家呢排廣告就賣得好犀利啦，買兩份牛肉煎雞雙併餐就平$10。本來個餐賣$36.5，兩份share就只係$31.5，都算可接受範圍。
http://www.yoshinoya-hk.com/popupwindow.php?id=10

每食夠$19，仲可以得印花1個，三星期內儲滿5個印花，可換細牛肉飯或細煎雞飯，價值$22。相比起之前既吉野家抽獎活動，要求都算低左架啦。

長隆水上樂園門票半價優惠

長隆水上樂園推出門票優惠，購買由現在起到5月31日既長隆水上樂園門票可享五折優惠。另外，樂園仲推出其他套票優惠，喜歡北上玩既朋友可以把握機會。

詳情可參考: http://www.chimelong.com/Information/Timeprice.aspx?s

星光城換領電影戲票

由即日起至5月10日，起Star City Bazaar購買任何貨品，再起星光城2/F或3/F消費滿$100，就可以憑收據換領電影換票証2張。可選擇：
1. 南京！南京！
2. 反轉豬腩是王子

計番百幾蚊都可以購物加埋睇戲，都算幾抵架！平時睇戲最平都要成七十蚊啦！

換領電影戲票詳情：
http://www.harbourcity.com.hk/whatshot.php?ss=36&id=328

Star City Bazaar：時尚女裝、嬰兒及兒童服飾展：
http://www.harbourcity.com.hk/whatshot.php?ss=36&id=346

星展信用卡買粽優惠

星展卡做兩間公司：
大班 - 低至6折
大家樂 - 低至75折
兩間都係做到5月28日。http://www.dbs.com.hk/zh/consumer/creditcards/offersmonth/20090420_dining.html

記得睇埋早兩日既介紹，睇下邊張信用卡最岩洗！

信用卡買粽優惠

除左傳統既粽，美心同東海堂都有冰粽推出。大家買粽之前，記得睇埋邊張卡抵D呀！

匯豐 - 美心
美心8折，至5月24日，星期五、六、日額外95折！其實匯豐同之前個美心優先價無乜分別架。
http://www.hsbc.com.hk/1/2/special/chinese/cards/prom126

恒生 - 東海堂
東海堂低至7折，至5月28日。
http://www.aromebakery.com.hk/site/tc/newsdetail.asp?id=242

中銀 - 鴻星 / 聖安娜
鴻星68折起，至5月17日。
http://www.boci.com.hk/chi/shop/shop103.html

聖安娜，中銀早買優惠72折（現金為73折），至5月10日。之後都有75折。
另外中銀有「$1換購大出擊」，5月24日前用3張$500簽賬存根，可加$1換指定聖安娜粽。
http://www.boci.com.hk/chi/spec/spec33.html

永隆 - 超群
超群低至6折，至5月17日。
http://www.winglungbank.com.hk/html/CnCoCrcCrecrdSpemeroffDsp.html#005

[5月8日] 睇埋「星展信用卡買粽優惠」

港鐵冷知識：超時附加費

宜家盛行網上拍賣，通常交收地點都會話「港鐵XX線不出閘」。講起呢樣野，有朋友話起同一個站入閘同出閘，會收最貴車資，但係詳細資料又唔清楚。今次我地就係為左解開呢個超時收費之謎！

根據港鐵「車票發出條件」第1.7條，起市區車站進出，如果期間超過20分鐘，成人要收$10，小童、學生要收$5，長者唔洗罰。

至於1.8條，如果入閘後超過150分鐘先到達目的地同出閘，就會根據入閘車站同出閘車站，要繳交相關路線既最高單程車費。

* 一切資料以港鐵「車票發出條件」為準

把握機會！六月Cash Dollars換「天然沖印」、「冒險樂園」現金券

恒生要簽$250先回$1 Cash Dollars，回贈率只係得0.4%。如果想Cash Dollars升值，就唯有等Promotion，咁Cash Dollars先有機會高於現金$1既等值。
好啦！機會終於黎啦！六月既Cash Dollars每月精選都算係幾親民既選擇啦！

1. $16 Cash Dollars換兩張「天然沖印」$20現金券，回贈率達1%
2. $20 Cash Dollars換兩張「冒險樂園」$20代幣禮券，回贈率達0.8%

搏到盡！預支Cash Dollars
如果你真係大量幫襯「天然」，想一口氣換多D現金券，咁就要小心D預支條款，特別係以下呢D：

• 每人最多可預支$500 Cash Dollars
• 如果預支期間為08年7月1至09年6月30，需於09年12月31日或之前清還
• 如果預支期間為09年7月1至10年6月30，需於10年12月31日或之前清還
• 若果於限期前未能清還所有預支Cash Dollars，除左要比Cash Dollars既等值金額，仲要比手續費（相等於預支Cash Dollars結欠或$200，以較高者計算）

計計埋埋，如果預支超過$200 Cash Dollars，計番手續費，即係$32換$40現金券，都慳到少少架！

Haggen-Dazs ALL YOU CAN EAT $89-99 任點任食

Haggen-Dazs 今個月又再次推出 ALL YOU CAN EAT 任食優惠，$89-$99 就可以任食，計計即係食5球已經翻本，食6球就已經有jetso喇~ !

星期一至四：$89 (5月1日至5月31日)
星期五至日及公眾假期：$99 ( 5月1日至5月10日)

優惠時段：2pm-8pm (限食一小時)

優惠詳情:

• 任點自選口味的雪糕球
• 一款指定之堂食雪糕甜品
• 一杯茶或咖啡

Haagen-Dazs ALL YOU CAN EAT堂食專門店：

• 怡東商場 2881 7757
• 蘭桂坊 2869 9158
• 太古城中心 2907 1518
• 尖沙咀亞太中心 2724 6868
• 星光行 2730 7688
• 圓方 2196 8328 (不適用於星期五至日及公眾假期)

本地遊之選: 教你至抵方法遊海洋公園!

初初知道老鼠樂園要0係香港開，心諗海洋公園會遇上勁敵。但係而家海洋公園就 做得好過老鼠樂園好多，積極擴展吸引旅客，世界遊樂園排名亦比香港的老鼠樂園 高，可謂遇強愈強。要假日去香港老鼠樂園要成$295（成人價，七月仲加價添）， 但係海洋公園就只係$208(成人價)，平左一大節，況且公園比樂園更大更多野睇同 更多野玩。老鼠仔今次真係加把勁。

海洋公園剛推出亞洲動物天地，相信會吸引唔少人心郁郁再入場（事實上，海洋公 園呢兩三年仲會不斷推出新景點，詳情可瀏覽http://www.oceanpark.com.hk/html/tc/park-experience/mrp/）。因此，今次就教你 點用最抵分法去海洋公園同埋有咩優惠！

四人或以下購票　去工聯會買或用美心MX優惠最抵

雖 然透過康泰旅行社買入場券有九折優惠，即成人$188, 小童(3-11歲)$93，但係 如果你係工聯會會員就可以更抵，成人門票只需$171(差不多係82折), 小童門票(3-11歲)亦只需 $86(差唔多係83折)。如果唔係工聯會會員，成人門票係$188(即九折)，但小童(3-11歲)就$92。工聯會優 惠中心地址於官網http://www.hkftu.com.hk/adds.html 列出，另外部工聯會業餘進修中心亦可購買（不是每一間進修中心都有代理，故建議先打電話問清楚，電話可見：　http://www.hkftustsc.org/course4/q03.htm）。

另外，去美心MX買滿$40，可85折優惠購買海洋公園日間門票（最多2張），買滿 $60，可獲半價優惠購買第2張海洋公園日間門票（第1張門票以正價發售，半價優惠適用於價格較低的門票。）詳情可到官網閱讀：http://www2.oceanpark.com.hk/aaa/html/tc/promotion.html。

最震撼！五個人六折入場仲有張全年入場證

全年入場證會員於生日月份到海洋公園可免費換領日間門票４張！！！(http://www.oceanpark.com.hk/images/common/smartfun/events/coupon_book_02.jpg)。 一 張成人全年入場證金卡係$628，但有呢個優惠，一定有著數啦，當你同你d friend 夾錢，每個人都係$125.6，差唔多六折！而家買全年入場證仲有一大輪 優惠：可獲贈「智紛至激賞」優惠冊一本，精彩獎賞總值超過港幣$3,500，包括4 張免費日間門票、免費泊車券及其他優惠。去官網睇下詳情啦：http://www.oceanpark.com.hk/html/tc/smartfun/events/extra-value.html及http://www.oceanpark.com.hk/html/tc/smartfun/benefits/index.html#network。

用即日門票仲可作現金券換購全年入場證（憑即日成人門票可減 $208，等於當日入海洋公園係免費!)，去官網睇下詳情啦：
http://www.oceanpark.com.hk/html/tc/smartfun/events/p1.html

生日優惠

想免費入海洋公園？得！香港人生日免費入場優惠仲生效緊架(http://www.oceanpark.com.hk/html/tc/whats-new/news/news08.html)!

其他遊樂設施優惠

唔單止咁，海洋公園同日本環球影城﹑深圳歡樂谷﹑香港濕地公園同昂坪360都合作推出優惠，優惠太多，不能在此盡錄。詳情可去官網睇睇: http://www.oceanpark.com.hk/html/tc/whats-new/。用完優惠價去海洋公園仲可以繼續有九折優惠去濕地公園或昂坪360，正喎！


寫左咁多，都搞到我心思思想入會添，優惠實在太吸引！

運輸處搭車路線查詢系統

你一定試過要去一個新地方嘅時候，唔知搭咩車先去到，又唔知要預幾多時間好。 運輸處啱啱出咗個搭車路線查詢系統，你可以search你嘅起點同目的地，右上角仲 有得揀日間定通宵路線，揀好晒之後就可以click右上角嘅”路線搜尋”，系統就會 列出所有可用嘅路線，搭咩車同邊度上落車會列清楚，幾多錢同幾耐都有講，不過 大家最好預番多少少等車時間。

http://ptes.td.gov.hk

邊間快餐店加飯唔洗錢？

有日諗起「有衣食日」，少飯可以平1蚊，fit晒細食既人。
忽發奇想，咁究竟邊度可以免費加飯？以前好多食肆都有得免費加飯（仲要本身舊飯都有番咁上下），但 係自從物價上升，已經無呢枝歌仔唱，唔減你飯都要偷笑。
無論打工仔定學生哥，快餐店都應該接觸唔少，所以今次既加飯目標就係佢地！呢度純粹分享幾個人既經驗，唔包保間間分店都係咁。

大家樂
以前係jumbo size既白飯，宜家變番做普通size。根據經驗所得，除非係食碟頭飯（無論餸係跟碟上定分開上），否則全部都唔比加飯。而 多飯既份量係set死左起一個兜度，大約係兩三啖左右。

大快活
呢個經驗尚淺，唔知有無邊種飯唔加得，份量都係set死，略多於大家樂。

美心MX
美心多飯就最闊綽，試左好多種飯（包括焗飯、便當）都比加，就連紅米飯都可以加白飯，而加既份量大約係半碗至大半碗咁多。如果兩個人 都唔大食，叫D多餸既餐，好似雙餸飯同便當咁，加埋白飯同杯水，好似食緊雙人餐咁樣。

不能叫的食物！？
宜家潮流興推介食物，但係又好似好少人寫D叫都唔叫得既食物，今次順便起度發下up風。

出黎食lunch，無非想有餐飽飯落肚，如果你唔係細食既人，千祈唔好叫大家樂既日式飯，即係用日式飯盒裝既個種飯，因為佢份量真係 太少，仲少過輕盈餐，食過既男仔都話唔夠飽。

至於美心既經典就係焗飯！無論係茄汁焗豬扒定白汁焗雞皇，味道都係一樣，就係得個「咸」字！大食既朋友，你都可以加白飯黎撈飯食既……

德福廣場、杏花新城新CD簽唱會

宜家多左商場搞新碟簽唱會，一班friend約埋食餐飯都夠換隻碟啦！Fans們係時侯刺激經濟啦！

德福廣場
消費有$400（要2間或以上商鋪），有側田「From JUSTIN Collection of Hit First 3 Years」
http://www.telford-plaza.com/chi/view.asp?category=promo&id=254

杏花新城
消費$300有SOLER新碟「CANTO」
http://www.paradise-mall.com.hk/chi/view.asp?category=promo&id=158

KFC早晨套餐優惠券

去到5月8日，最平$10有交易，仲有兩個選擇：
1. 香腸蛋雞鬆熱烤卷 + 熱飲
2. 2件香蜜鬆餅 + 熱飲
http://www.kfchk.com/d_menu/kfc_breakfast_coupon.pdf

免費做「榮華」會員，下載優惠券

又係官方網頁放優惠券，今次「榮華」就麻煩少少，要先登記做會員，先可以去著數專區下載優惠券。
優惠券可用到2009年12月31日，包括下面既食品，平均係市價75折：

• 30件罐裝金華肉鬆卷
• 六個裝熱辣辣老婆餅
• 450克罐裝蛋卷
• 速食芝麻糊
• 速溶芝麻黑豆漿
• 禮盒裝速溶豆漿
• 潮式椰蓉花生酥（膠袋裝）
• 香辣花生
• 炭燒蠶豆
• 速溶少甜豆漿
• 速食豆腐花
• 潮式花生軟糖（膠袋裝）
• 潮式椰汁欖仁糖（膠袋裝）
• 潮式鬆脆麻花糖
• 潮式果仁糖（膠袋裝）
• 保健八寶茶皇
• 椰蓉花生軟糖
• 南棗合桃糕
• 芝麻花生軟糖
• 杏仁花生芝麻酥糖
• 花生鳥結糖
• 花旗蔘話梅皇
• 潮式合桃軟糖（膠袋裝）
• 潮式夾心花生糖（膠袋裝）

http://www.wingwah.com/pp_big/WingWah.asp

意粉屋 X 匯豐信用卡 二人餐 $168起

之前介紹左信用卡飯食優惠，今次想講下意粉屋個匯豐信用卡個優惠。上個周末 同 個friend去意粉屋食野，見到個「1979之最」套餐幾吸引就點左果個餐。用 匯豐卡 只係$168，加埋一每人消費都唔超過$100。個餐可選擇超級什錦薄餅普 通批，原價 都超過$100啦。食完大家都好飽好滿足，真係幾抵！

更多意粉屋 X 匯豐信用卡優惠請看：
http://www.spaghettihouse.com/html/tch/news/joint.jsp

推廣日期至6月30日。

信用卡飲食優惠

近排各大信用卡都出左新既飲食推廣，即刻埋黎睇睇！

星展：「和民」、「和亭」低至5折優惠
起呢輪推廣中比較平價既食肆就係和民同和亭，可以用半價$17食焗芝士年糕或者$21食本格冷麵，又或者食滿$200送雞軟骨，但係優惠唔可以一齊用。
https://dbs.esdlife.com/diningclub/

另外亦有優惠券，不過一樣DBS卡結賬。
1. 「和亭」作任可惠顧，可獲$10飲品一杯，重點係……每枱可同時使用多贈券！即係無限任飲呀！抵！叫碟小食吹水都抵啦！去到2009年6月30日。
http://dummyaux3.esdlife.com/dbsDiningClubGame/coupon2.html

2. 夜晚9點後堂食9折
http://dummyaux3.esdlife.com/dbsDiningClubGame/coupon3.html

另外，舊事重提，「元氣壽司」八折優惠券，去到4月30日炸！

匯豐：30間精選食府 低至5折
今次匯豐就相對平價至中檔，星期五仲外額外優惠，抵上加抵！
Pizza Hut二人餐$178，少有地銀行套餐少於$200走人。
Delifrance、意粉屋、小南國、德興、元綠壽司、Haggen Dazs、珊瑚堡、維苑餐廳都有優惠！想試貴野，盛八日式燒肉都有5折套餐。大部份優惠都去到5、6月，慢慢嘆。
http://www.hsbc.com.hk/1/2/special/chinese/cards/prom127

呢排珊瑚堡、維苑餐廳真係好多優惠選擇：
1. 晚上6點後全單7折，到4月30日
2. 匯豐卡精選晚餐低至35折，星期五額外9折！到6月30日
3. 食滿$100減$50優惠券，只適用於維苑，到6月30日
想食得最平，真係要傷傷腦筋啦，哈哈

東亞：King Parrot Group景樂集團5折套餐
一向覺得呢個集團既餐廳唔太抵食，宜家有5折都可以試下啦。
http://www.hkbea.com/FileManager/TC/Content_3080/menu-4.pdf

Citibank：誠意獻禮 過百間食肆優惠
主要都係中檔價錢，但就平得唔多，同期仲有海港城飲食優惠。
http://www.citibank.com.hk/global_docs/chinese/credit_cards/dining/hc/dining_offers_harbour_city_b5.html

唔關信用卡事：「麥當勞」麥樂雞推廣
一年一度食麥樂雞玩4張拼拼卡既推廣又黎啦，今年儲卡比以前更困難，要買6件或9件餐先有，散買係無卡送！
雖然無諗住會儲得齊4張卡，但係個網上遊戲「3D麥樂dip」，可以配合埋webcam玩遊戲，都幾得意架！
http://www.mcdonalds.com.hk/chinese/campaign/dip09/

另外呢，又係市價調查，孖芝已經由以前脫離$8超值選變做$10之後，再升值到$12啦！真係升得好快呀！

超值大「法」現‧餐餐Délifrance

Délifrance今個月推出超值大「法」現優惠，全日不同時段皆有不同的超值美食供應，最平以$10即可歎Delifrance美食！

超值大「法」現優惠詳情

全日大「法」現
以$10外賣指定三文治
(全日供應)

早餐大「法」現
以$12外賣牛角酥 配 熱鮮磨咖啡/茶
(於上午11時前供應)

茶餐大「法」現
$12法式鬆餅或焗芝士煙肉百吉包配熱鮮磨咖啡/茶/杯裝汽水
(星期一至五(公眾假期除外)下午2時半至6時供應)

晚餐大「法」現
無限免費添飲（每位客人惠顧每客堂食正價套餐/指定金額，即可免費享用）(星期一至四(公眾假期及前夕除外)下午6時後供應)

http://www.delifrance.com.hk/tc/promotionsAndHotDeals/promo1.asp

攻略：賺盡「八達通自動增值」信用卡回贈

八達通自動增值依排真係好犀利，間間銀行都谷行個自動增值promotion，今次又有好野介紹，就係大新/豐明嘅promotion，做緊回贈$120，大概有8%回贈。

要教大家嘅攻略就係合成大新/豐明同匯豐嘅回贈：

第一步：即刻轉去申請大新/豐明嘅「八達通自動增值」，就會有$20嘅回贈。再用張大新/豐明信用卡簽$1000蚊加自動增值兩次（記住申請每次$250蚊增值，唔係就蝕底左），就會有$100嘅回贈。

第二步：喺5月31號前轉過去匯豐嘅「八達通自動增值」（唔使怕麻煩，匯豐會自動幫你取消大新/豐明嘅自動增值），就會有$30嘅回贈。咁之後你就可以享受埋匯豐兩個月（6月1號至7月31號）嘅2%八達通自動增值回贈。

再誇d若果你喺好早就搞掂第一步，咁就即刻做埋第二步，你喺5月31號前用嘅匯豐「八達通自動增值」仲可以有埋10%（最紅星期五）嘅回贈添！禾味龍呀～

話你知「好好粥麵」有幾抵食

好好粥麵做大特價：
1. 菜肉雲吞麵/米/河粉，原價$22，特價$11
2. 糯米雞，原價$19，特價$9
3. 惠顧任何食品，加$4有奶茶、咖啡、凍熱豆槳
個推廣做到4月19號，最正係無時段限制，仲要大量供應，包你享用到呢個優惠！

講多無謂，食左最實際！
親身試過，$11菜肉雲吞麵有5粒，味道仲幾好，麵既份量就類似平時旺角$10麵咁，但係環境同衞生感覺好好多！
到$9糯米雞，材料少，但係糯米軟淋淋，唔會黐埋一舊，$9只屬可接受範圍，唔算好抵食！
$4凍豆槳就係茶餐廳平時裝茶個種杯既size。
三樣裏面，極力推介$11菜肉雲吞麵！

另外，夜晚8點後七折，特價品除外，都係做到4月19日。
呢樣無試到，唔知平時D晚餐有無折呢？有既話都算抵！

稻香又有一蚊優惠 一元懷舊大雞包

今次一蚊優惠同雞都係有關係　－　一元懷舊大雞包，供應期由即日至4月30日， 早上七至九，加一服務費，只限堂食。稻香﹑稻香超級漁港同迎囍大酒樓都有！

1蚊1杯 大家樂奶茶

近來金融海嘯既威力真係唔講得少，好多商戶都推出一蚊優惠去吸引顧客，繼早前介紹過既稻香一蚊一隻雞，OK便利店一蚊一杯軟雪糕之後，大家樂亦推出一蚊一杯奶茶！

由2009年4月14日至4月24日逄星期一至五，於下午2:30–5:30到大家樂可以$1買到原價$8.5的「大家樂奶茶」一杯。 優惠只限堂食，每日每店供應50杯，售完即止。

1蚊1杯 OK便利店單筒軟雪糕

OK便利店推出1蚊1杯單筒軟雪糕優惠，由2009年4月16日至4月29日，晚上7時至10時到任何一間有售賣軟雪糕之OK便利店，即可以$1蚊買到一杯單筒軟雪糕。如果你同我一樣鍾意食雪糕就唔好錯過喇！

Google香港財經網

股市最近大起大跌，好多市民日日都睇實個市，網上的財經工具已經成為不少股民投資的最重要伙伴之一，因此市場上越來越多財經資訊網。

最近Google更加入戰團，推出「Google香港財經」網，功能之强大，唔單止比得上免費市場既領導者(如 aastocks.com)，更拍得住其他收費財經資訊工具。

十年股價資料

「Google香港財經」的資料庫具有本地股票市場過去十年的股價資料，有助投資者掌握市場走勢。

一站式免費查詢環球股市

網羅環球主要股票市場的資訊，網民可在「Google財經」網查看香港、美國、倫敦、上海、台灣等主要交易所的行情，部份交易所如紐約、上海及深圳等更會提供即時報價。但可惜此功能現時並未包括香港，希望Google能夠盡快提出，讓本地股民也能享用。

股價自動更新

即時報價市場股價會自動更新，毋須手動重新整理網頁，用戶可以隨時緊貼市場走勢。

資訊標籤圖表

投資者可在股票圖表上加入其他股票作比較，並可自由移動時間軸，彈性選擇時段，分析心水股票及目標價格。圖表更首創資訊標籤，清晰顯示每日股價及成交量，提供該股票的相關新聞，新聞更會以標題分類，有助投資者了解影響股價的因素。

股票篩選器

獨有「股票篩選器」功能，方便投資者輸入特定條件選出心水股票，例如市值、市盈率、升跌幅度、成交量等多個範圍篩選並尋找目標股票，或可根據偏好篩選股票。例如：用戶可以新增一項「每股股息」的準則，然後選擇派息價位，畫面便會即時顯示相應的股票作為選擇。

自動追蹤投資組合表現

備有「我的股票」工具，用戶可輸入個人的投資組合資料。每次登入便會自動顯示用戶投資組合表現，例如：市場價格、升跌、整體回報率等。隨時掌握投個人資組合表現！

「Google香港財經」網址：http://www.google.com.hk/finance

本地遊之選：昂坪360與機場翔天廊

近排昂坪360推出左水晶車，連車底都透明，可以挑戰下自己既膽量之餘，亦都可以更清楚睇風景。而去得大嶼山，亦有唔少人去會埋機場玩下。今次就係想睇下呢兩度有乜筍野！

昂坪360
1) 港鐵友禮會：昂平纜車85折（至2009年5月31日）
友禮會會員只要去「e分鐘著數」機拎優惠券，就可以起東涌纜車站用85折買纜車飛，大人小朋友，水晶車普通車都岩用，每人都多拎10張優惠券。

2) 9折暢遊海陸空（至2009年12月31日）
憑08年10月1日至09年11月30日既濕地公園或海洋公園門票，又或者濕地公園既全年或半年入場證、家庭入場證，同海洋公園全年入場證，可以於東涌纜車站及昂坪市集購買車票1張。每張門票或入場證只能換優惠票1張！

由東涌上左昂坪市集，除左起昂坪市集食野之外，仲可以去寶蓮寺食齋。之後可以去睇大佛同心經簡林，如果唔諗住去機場，可以去其他大嶼山景點，大澳都幾出名架！

機場與昂坪360
「天地任玩證」成人$178，小童$132，包以下內容：

• 昂坪360普通車來回車票
• 4D電影戲票
• 免費參觀「機場展望台」
• 「挑戰雷台」打機代幣8個
• 「星光無間」展覽館，包入場，「反斗大事件」、「星夢奇園」遊戲

4D電影固然唔錯，挑戰雷台亦有體感既頭文字D賽車，至於星光無間既遊戲就比較簡單。
去官方網頁睇「天地任玩證」詳情，星期六、日及公眾假期有免費接駁巴士由東涌纜車站去機場翔天廊。
http://www.np360.com.hk/html/chi/visitor/promotion_detail.asp?id=16

比多少少，$40仲有4D超動感歷程，即係4D特效影像投影艙。如果以擺動幅度黎講，以前海洋公園既超動感影院係激烈D。
唔肯比，都有PlayStataion Gateway，免費玩PS3同PSP遊戲。

機場
1) 機場提供的優惠券
要去機場拎本優惠券，用裏面既優惠券先得，網上內容只供參考。

1期（如Pacfic Coffee免費升級，許留山9折，wildfire 8折，大快活免費綠茶，還有其他飲食購物優惠）
http://www.hongkongairport.com/special_offer_2008/TCh/tc-index-t1.html

2期（分為購物、飲食、玩樂優惠，好多都吸引架！）
http://www.hongkongairport.com/special_offer_2008/TCh/tc-index-t2.html

2) 近期推廣
1期加2期收據達$400，可換「天煞撞正怪怪器」3D廣東話版換票証2張
http://www.hongkongairport.com/chi/shopping/insideshopping/t2/popup_monster.html

1期加2期收據達$600，可換磁石飛行棋飛鏢套裝
http://www.hongkongairport.com/chi/shopping/insideshopping/t2/popup_easter_promo.html

小童免費搭機場快線，要起入閘前辦手續！再加上要成人陪同
http://www.mtr.com.hk/chi/whatsnew/ael_child09.html

機場仲有個Teddy Bears & Dolls Mini Expo泰迪熊展覽，免費入場，至9月30日。

3) 全日制學生玩樂優惠
直接睇網頁！
http://www.hongkongairport.com/chi/shopping/entertainment/student_pass.html

4) 芒果網會員優惠
如果有plan過自由行，好可能聽過芒果網。宜家佢推出會員優惠，有機場飲食優惠券，至5月30日，如Burger King、許留山、板前壽司8折。
http://www.mangocity.com.hk/merchants-corner/info/hkdining/e-coupon-airport.pdf

今日仲有個post講港鐵同城巴既機場快線，記得睇埋。

之前本地遊仲有個「去濕地公園，港鐵有優惠！」

港鐵友禮會4,000分換迪士尼入場券

之前都有介紹過港鐵友禮會，3月可以用300分換港鐵站商店$10現金券，估唔到咁 快換晒！宜家友禮會就加左新禮品，就係：
4,000分－－迪士尼入場券，適用於2009年10月4日前的「指定日子」（價值$350）
1,000分－－機場快線單程票，適用於2009年8月31日或之前（價值$60至$100）

如果日日過海搭港鐵，由最初申請到宜家都未換過野，應該都接近4,000分架啦， 咁就可以計下乜野禮品最抵啦！
面值上，迪士尼券最抵，繼而機場快線單程票就會變相少左程市區線轉乘優惠，實 際價值可能低過$60，至於單程票，就要睇有幾可用到十幾廿蚊程。

另外，就黎母親節同父親節，友禮會於4月9日至26日期間收集大家對父母的心意， 其中100句最動人語句可享100積分！每人只可留言一次！

講開機場，城巴機場巴士真係唔錯，可以睇番二月個陣既介紹。

復活節商場推廣及優惠

到復活節啦！有幾日假期周圍去，大時大節又想買野開心下，咁就即刻睇下有乜商場推廣啦！唔少商場都有消費既額外獎賞，好過去街鋪啦！

太古城中心
1) 由宜家至到4月19日，消費500蚊或以上（2張唔同商鋪即日發票），可以$20換購限量版「玩具博物館」珍藏T恤一件。
http://www.cityplaza.com.hk/chi/hot_promotions/coming_attraction_items/1.htm
2) 睇展覽：「北原照久 玩具博物館」回顧90年代起既玩具發展時期

時代廣場
1) 睇展覽：Chocolate Rain art exhibition
單一發票消費滿$300，再捐$20，有Chocolate Rain人手造水點型布袋，每日數量有限
2) 由2009年4月4日至6月21日，用銀聯卡到海港城商戶或時代廣場簽賬消費，各購物商場首10 名累積最高簽賬額的持卡人各可獲25,000「亞洲萬里通」里數
3) 於指定商戶用銀聯卡消費，有低至五折優惠http://www.tohk.cn/Events/main2.html
4) 13樓展銷集有Giordano展銷，1折起
http://www.timessquare.com.hk/ch/module/new/promo.php

===== ===== ===== =====

朗豪坊
1) Happy Sale，全場店鋪1折起
2) 憑任何消費可換UA朗豪坊$10券一張，星期六、日及公眾假期外，全日適用
3) 消費滿$300可換抽獎券1張

新世紀廣場
商場內商戶分為「嚐」、「享」、「樂」，消費滿$400可獲消費全單半數回贈，包括新地商場$50券或嘉禾旺角換票証，及其他新世紀商戶現金券
http://www.grandcenturyplace.com.hk/data/cybermall/event_poster/41/11341/26001.jpg

Elements
1) $180有4人復活節大餐（主要是下午茶時段，要再加一）、6小時免費泊車、The Rink免費溜冰通行証
2) 購物滿$500送大快活$20現金券，滿$1,000送Starbucks $25券或Metrobooks $50券，滿$1,500送The GRAND戲票
3) 樂園式巡遊，表演，派汽球
http://www.elementshk.com/big5/hot/promotions.php

海港城
1) 睇展覽：亞洲動物天地主題迷官
2) 由2009年4月4日至6月21日，用銀聯卡到海港城商戶或時代廣場簽賬消費，各購物商場首10 名累積最高簽賬額的持卡人各可獲25,000「亞洲萬里通」里數
3) 於指定商戶用銀聯卡消費，有低至五折優惠http://www.tohk.cn/Events/main2.html

===== ===== ===== =====

荃新天地
消費滿$500可換Citywalk Card，於參與商戶可享折扣或升級禮遇，消費$1得1分，憑積分換禮物，如500分有張敬軒簽唱會或獎門人Super活動

青衣城
1) 消費滿$200可獲抽獎機會1次
2) 睇展覽：Smiley World
http://www.maritimesquare.com/chi/view.asp?category=promo&id=160

===== ===== ===== =====

沙田新城市廣場
1) 於場內消費滿港幣$800，憑 2 張不同商戶的即日機印發票（發票不包括超級市場及便利店），有機會換領「新城市廣場 x CovA 」朱古力乙份
2) 於場內消費滿港幣$1500 ，憑 2 張不同商戶的即日機印發票（發票不包括超級市場及便利店），有機會換領下列品牌護膚禮品套裝乙份
- BIOTHERM女士及男士春日護膚套裝
- LANCOME全新Blanc Expert全方位瞬白亮肌尊貴體驗套裝
- shu uemura潔顏油 8 毫升 4 支連免費東瀛秀眉服務乙次

新城市中央廣場
凡於場內以電子貨幣消費滿$500（最多累積 2 張即日非食肆機印發票），可免費換領抽獎券一張，贏取旅遊大獎及其他豐富獎賞：
- 新加坡雙人來回機票連 4 日 3 夜精品酒店住宿（名額 3 位）
- $5000及$3000新地商場現金禮券（名額各 1 位）
- $5000曼佳美現金禮券（名額 1 位）

===== ===== ===== =====

荷里活廣場
1) 於商場內的豐澤、百老匯、最好電器買XBOX 360 Elite主機或主機連遊戲套裝，可到XBOX 360展覽場地換領Halo 3及Fable 2遊戲各１隻
http://www.plazahollywood.com/web/c/event/Xbox_l.jpg
2) 睇展覽：以中國為主題的蛋雕作品
http://www.plazahollywood.com/web/c/event/eggEposter_l.jpg

德福廣場
1) 消費滿$200可獲抽獎機會1次
2) 睇展覽：Viva兔樂展
http://www.telford-plaza.com/chi/view.asp?category=promo&id=252

APM
1) 消費滿$300（最多2張即日發票）加捐款$10，換APM蛋形毛巾或Godvia小雞朱古力
2) 消費滿$300（最多1張即日發票），有機會獲贈「APM綠色復活美食通行證」，可換指定綠色主題食物或當$30使用
3) 睇展覽：以「循環再造」及「創意」設計綠色動物園

新都城中心
1) 消費滿$200（1張即日發票），可參加LEGO遙控車遊戲
2) MCL將軍澳票尾到指定食肆有低至$1特選優惠
3) 睇展覽：LEGO藝術作品展

八達通「一嘟千金」大抽獎

八達通依排推廣強勢，依家又做個大抽獎，乜都唔使申請登記，只要你嘟$30蚊 就自動有一次抽獎機會，$60蚊有兩次，如此類推，任何商戶適用！獎品有八達 通現金$1000蚊、$500蚊、$100蚊，仲有好多唔同既coupon！

推廣做到5月31號，而抽獎結果會喺6月27號公佈，自己上去http://www.octopus.com.hk/luckydraw 睇就OK啦！

抽獎都未夠正，若果再配合埋匯豐呢排推廣既八達通自動增值（可參考估你唔到！匯豐高達200%回贈 ），有現金回贈，又有得抽獎，你仲唔快d去嘟？！

維苑餐廳晚市$50現金券

呢牌多左官方網頁放優惠券，今次輪到維苑餐廳，晚市加一前食夠$100減$50。
維苑一向走平價扒餐路線，間唔中都幫襯佢，根據過往經驗，每晚既特價晚餐都唔 准用任何優惠，至於餐牌個D，就最好起落單前問問。
http://www.rhinegarden.hk/coupons.html

留意coupon係只適用於維苑餐廳，成日一齊做promote既珊瑚堡今次係唔岩洗架！

做「直接付款授權」自動找信用卡卡數

睇番之前介紹既安信1.8%回贈VISA卡，佢焗住大家一定要做「直接付款授權」，即係起找卡數日子，比安信自己黎我地個戶口拎錢。

要設立呢個授權，銀行可能會收一次性既收費，可以睇下個列表。
記住個轉賬戶口要夠錢，唔夠錢找唔到卡數之餘，銀行仲要罰你錢，都幾甘架！

另外，「直接付款授權」同你定期轉賬一筆指定金額去另一個戶口既「常行指示」係唔同架，後者貴好多！

百佳易賞錢 VS 八達通日日賞

宜家金融海嘯，好多野都慳得就慳，出街都會少咗，但係日常用品就點都要買，所以大家唔多唔少都會到超級市場消費，宜家消委會都定期幫大家格價，話你知究竟邊樣貨品百佳平啲，邊樣貨品惠康抵啲，之但係其實除咗貨品嘅價格之外，大家都要留意佢地嘅積分獎賞計劃，咁先至叫慳得精明！

所以今次就同大家比較下百佳嘅易賞錢同惠康嘅八達通日日賞，究竟邊個抵啲， 邊個適合你多啲！

百佳易賞錢
首先講講百佳易賞錢， 申請方法好簡單， 只要到呢個網址(http://www.moneyback.com.hk/)下載表格， 填妥後到附近百佳超級市場/廣場、TASTE、GOURMET或GREAT遞交， 即可領取易賞錢會員卡一套 (即有1張主卡同3張迷你卡)， 3張迷你卡可以俾屋企人， 咁就可以齊齊儲分落張主卡度。唔講唔知， 原來易賞錢卡有3款 - 百佳、TASTE 同 GREAT， 係唔同地方申請就會有唔同款， 個人覺得百佳果款外型比較差， 所以建議將表格交到TASTE或GREAT申請， 雖然優惠同用途一樣， 但既然一樣， 當然申請靚啲果張啦！

每次以現金、信用卡、八達通卡惠顧百佳超級市場、TASTE、GOURMET和GREAT都可以賺取積分，另外最近仲推廣至豐澤同屈臣氏，儲分就更加容易。百佳易賞錢積分係以折實的付款金額計算(即扣除所有現金券或折扣券後之金額)，購物滿$5即可獲1分，若餘額不足$5則不會獲取任何積分（如$4.9，不能得分；$9.9，可得1分。）易賞錢的積分有效期為2年（24個月），但有效期只按月計算，共在月尾截數。(例如2007年1月開始儲的積分，其限期至2009年1月31日，如超過限期，2007年1月內所儲的積分將會被取消，但並不是兩年積分會一下子全部取消)。

每累積500分即可換領一張$10現金券或其他優惠券，每戶口每日最多可換領價值 $50 之現金券，現金券可於易賞錢會員優惠站列印，並可於該次購物付款時即場使用。要注意現金券不可轉贈予他人， 您每次以現金券付款前必須出示易賞錢主卡或迷你卡， 每張現金券有效期為30日。

除咗積分優惠， 易賞錢仲有其他增埴優惠
首創的「會員個人購物清單」：可於設有會員優惠站的分店列印，特別為每位顧客度身設計購物優惠，不過要注意並不是所有分店都有會員優惠站， 而個人購物清單只可即日於列印該清單之店舖使用
尊享會員特價：只需留意貨架上的助銷品，即可發現多項獨家會員優惠。
免費禮品：設於指定分店內的「禮品換領處」會不時提供免費或優惠禮品，讓易賞錢會員獨家享有。

八達通日日賞
跟住就講講惠康嘅八達通日日賞， 申請方法一樣好簡單， 只要到呢個網址(http://www.octopusrewards.com.hk/)作網上登記， 完成登記的48小時後，前往全港任何一個八達通日日賞服務站，啟動八達通的日日賞功能即可。

惠顧八達通日日賞指定參與商戶時，無論以現金、信用卡、八達通卡、現金禮券或參與商戶所接受的方式付款，嘟一嘟已登記日日賞的八達通，即可賺取日日賞$。使用信用卡付款，更無礙同時賺取信用卡積分獎賞！

每次消費，均可即時賺取日日賞$。每個參與商戶，將會至少送上相等於消費總額0.5%的日日賞$，即每消費$200，可獲$1日日賞$，未滿$200亦可按比例獲取千份之五的日日賞錢(一分錢以下捨去)。盡享參與商戶為你提供的驚喜優惠，隨時賺得更多。另外，八達通公司亦會不定期電郵問卷調查予參與者，參與者只要回覆有關的問卷調查，即有機會獲得日日賞積分，成功獲得積分的參與者將會獲電郵通知，並需於指定時間內到日日賞積分機中下載所獲得的積分。不過大家要留意，每張會員的八達通卡日日賞$是有上限嘅，最高可累積日日賞$1,000。你可於每次惠顧參與商戶的單據上，查閱卡內最新的日日賞$累積總額，也可於指定參與商戶所設有的八達通日日賞服務站，查閱卡內的日日賞$累積總額。

成功賺取日日賞$，即可於參與商戶用作消費！凡惠顧貼有八達通日日賞標貼的參與商戶時，出示你的會員八達通卡，即可要求以卡內累積的日日賞$購物或享用指定優惠，輕而易舉。在參與商戶付款時，日日賞$1等值不少於HK$1。

參與商戶包括：

• 超級市場：惠康超級市場（包括旗下的Market Place by Jasons）
• 電影院：娛藝戲院(UA CINEMAS)
• 美式快餐：麥當勞
• 法式快餐：Délifrance
• 港式快餐：大快活
• 麵包西餅店：東海堂
• 童裝店：CHICKEEDUCK
• 相片沖印店：快圖美
• 銀行：香港上海滙豐銀行(HSBC)
• 報刊雜誌店：Magazine International
• 飲品：可口可樂公司
• 商場：德福廣場、青衣城及杏花新城
• 精品店：Sanrio Kids
• 寵物店：五方寵物有限公司（包括旗下的Q-PETs、紅蘿蔔、寵物森林、龍貓樂園、寵物便利及188寵物特賣場）

百佳易賞錢 VS 八達通日日賞
計一計， 百佳易賞錢即要購買$2500的金額才會有$10回贈，回贈率為0.4%，如遇上購買金額少於$5（沒有得分）或有零頭（如$5.1，$7.9，$9.9，均只得1分）的情況，回贈率會更低。而八達通日日賞的回贈率為0.5%，比較着數。另外， 百佳易賞錢獲取積分並不適用於用禮券付款，如購買$107的貨物，用現金付款，可得21分；但如果用$100禮券+$7現金的話，只可得1分。 與惠康的八達通日日賞儲積分相比，在惠康使用禮券亦可賺取日日賞$，相對較為化算。而且八達通日日賞參與商戶比百佳易賞錢更多更廣。

總括來說, 八達通日日賞比百佳易賞錢優惠更多更靈活, 而且賺取積分同享用積分途徑更多更廣。百佳易賞則只有增埴優惠較為可取。

大眾銀行(香港)信用卡迎新優惠

由即日起至2009年6月30日，成功申請大眾銀行(香港) VISA信用卡，即可從以下迎新禮品任選一份。

• 高達HK$60,000之12個月「免息現金分期」計劃
• HK$250惠康禮券
• Nokia 1209手提電話
• Hithot 2GB MP4播放器（ 型號：HH-921）
• MAX迷你DVD音響組合（ 型號：MA-388V）
• Philips多士焗爐（ 型號：HD4493）
• Panasonic DECT數碼室內無線電話 （型號：KX-TG7200HKF）
• BenQ 1,000萬像素數碼相機（型號：E1020）(以優惠價HK$120x6個月免息分期換購)
• Motorola maxx V6手提電話 (以優惠價HK$100x12個月免息分期換購)
• 1%現金回贈（只適用於大眾VISA白金卡客戶）

加上每月簽賬0.5%-0.6%現金回贈，同永久豁免年費，可謂相當吸引。

詳情可以參考 http://www.publicbank.com.hk/chi/cardprod/image/pb_credit_leaflet_chi_200901.pdf

渣打信用卡現金回贈

依排匯豐個現金回贈個promotion好勁，人人都去申請 (詳見http://projectpan.blogspot.com/2009/04/200.html)。我都有，但係好慘starting point要一萬銀，仲要$1000蚊得$20蚊，真係枉我幫親佢咁耐...

渣打見佢個勢咁勁都唔想執書，自己都出個現金回贈promotion，由3月9日至5月8日，每簽$500蚊就可以打去 2209 5400 抽獎一次，回贈有2%、5%、10%同150%，最低都保證你有2%。依個promotion就最岩我依d俾匯豐恰既可憐消費者，起碼我每次抽都有機會多過匯豐既回贈嘛，最低都係同匯豐平起平坐。

申請安信精明卡FAQ，拎1.8%現金回贈

講起安信，除左佢D貸款廣告好過癮之外，D信用卡優惠都係好正架！佢張「精明卡」年薪要求好低，只要$60,000就可以，但係回增就一D都唔簡單。

1. 高達1.8%現金回增
由即日至2010年2月28日，登記現金回贈之後，星期五、六簽賬會有1.8%回贈，星期日至四都有0.8%，正！

2. 迎新優惠
簽$2800，有$200回贈/電蒸籠/無線室內電話，3選1。
簽$4500就最吸引，回$500！

3. 八達通增值
由即日至2009年6月30日，登記八達通自動增值都有迎新優惠！有車路士水晶麻雀/對講機/20"行李箱，又係3選1~

4. FAQ
見到佢有咁長時間1.8%回贈，大家一定心郁郁啦，見到張申請表，嘩！一定有唔少問題湧出黎，今次將打電話問問題既內容整理一下，做左FAQ。

a) 係咪一定要自動轉賬，用唔用得PPS找卡數？
自動轉賬就一定要做架啦，但係都可以用PPS找數，要起指定交卡數日前3-4個工作天用PPS過數。如果過左呢個期限，安信有可能因為未收到PPS既錢而收你自動轉賬，即係你會比左double錢。

b) 現金回贈回去邊個戶口？有無手續費？
安信個現金回贈唔係回去安信信用卡戶口，而係要另外一個銀行既存款戶口，一定要係個人戶口，聯名唔接納！
最重要個樣，回贈去其他銀行既戶口喎，會唔會有手續費架？梗係唔會啦，大家可以放心啦。

c) 諮詢人係咪擔保人？
信用卡同貸款唔同部門，申請信用卡唔洗擔保人。諮詢人係會用黎問下資料，但係一定要填。

5. 用$2,250回贈$500？
[4月12日] 好多醒目既網友都有留意條款，起迎新優惠推廣期間（至6月30日）申請精明卡，同時申請埋八達通自動增值，於發卡後頭3個月內，自動增值金額可以雙倍計算為迎新簽賬，所以增值$2,250，就可以拎到迎新既「禮物錢」$500！

[4月8日] 睇埋下一篇「做直接付款授權自動找信用卡卡數」

估你唔到！匯豐高達200%回贈

三月頭介紹過匯豐個越簽越獎，過左個人目標額之後，每$1,000蚊回$10/$20/$50/100%回贈。點知到左四月，呢個優惠仲加加碼，全部回贈double左，即係回$20/$40/$100/200%回贈，仲唔快D打8226 0838登記！

另外，匯豐呢排D報紙廣告仲犀利，因為佢推廣新申請八達通自動增值，星期五有10%回贈，笑其他銀行得0.4%/0.5%回贈，你話點估到匯豐會有咁高回贈！

同期其他銀行既推廣可以睇番呢個大搜查。

20款元氣壽司優惠券 網上隨時下載使用

元氣壽司迎接15週年，在官網上送20款優惠券。如果你鍾意食壽司，不妨去以下官方網址下載睇下：
http://www.genkisushi.com.hk/download/genki_coupon20090401.pdf
我就最buy佢張8折優惠券喇!有效期去到4月尾咋。

再說信用卡海外簽賬

之前講左D信用卡海外簽賬費用，原來係好多朋友都關注既問題，今次再寫多D，希望幫到大家。 始終香港人用Visa比較多，今次依然環繞Visa黎寫。

1. 匯率
起海外簽賬，只要結算貨幣唔係港幣，就需要留意發卡銀行外幣兌換既匯率同手續費。
Visa本身個網頁都有個匯率參考，大家可以去check下。Visa寫到明個匯率只係用作參考，銀行未必一定採用呢個匯率，但係亦有銀行計收費個陣會列明用Visa提供既匯率。
http://corporate.visa.com/pd/consumer_services/consumer_ex_rates.jsp

至於起海外簽港幣，同上網購物簽外幣，對於計算費用同積分，每間銀行既處理方法都唔同，呢點要注意。

2. 交易費用
上一次個post寫大眾要收1%手續費，好多人都唔明，因為大眾網頁大大隻字寫住「均豁免銀行手續費」，咁仲點會收1%？
要留意番收費係分兩部份，就係(a)Visa本身會收費，同(b)發卡銀行亦會收費，前者間間銀行都係1%，無得走，後者間間唔同收費，所以大眾免左「銀行手續費」，我地都仲有1%要比Visa。
正因為咁樣，可以見到匯豐收費寫匯率+0.95%，再連同Visa向匯豐收既費用計算。又或者東亞咁樣，寫1.95%，當中已包括Visa向東亞收既費用。

有人話信用卡statement得一條數，唔見有額外交易費用，咁係因為計匯率個陣已經包埋呢1%-2%既費用，唔分開寫唔代表無收。

3. 真實例子
上面講左一堆基本知識，黎緊既實戰先係最重要，睇下匯率既可信性。
今次咁岩問人借到張Airasia訂飛既單，起2月13日過數，馬幣要比MYR 400，用恒生卡簽就碌左HKD 878.37。
參考Yahoo匯率記錄，MYR兌HKD，個陣大約係2.15，計番恒生要比既1.75%手續費，總計就係400 * 2.15 * 1.0175 = HKD 875.05，與月結單相差少於0.5%。

如果根據恒生張月結單，計番MYR兌HKD：878.37 / 400，大約係2.196。
朋友話個陣都用過Visa網頁計匯率，用1.75%手續費，個排大約都係2.19，而Visa網頁的準確度就寫明只達小數後兩個位。

從以上結果可以見到，Visa個匯率其實都幾有參考作用。

至於碌卡抵定換現金抵，朋友話今次簽卡就抵過換現金少少，參考下啦。

4. 銀行收費列表
最後又整個收費表，揾多幾間銀行比大家參考下。上一次揾左一批比較大路既銀行，請睇番之前既資料。



睇番今次同上次個表，大眾同AEON都只係收Visa個1%，而大眾既回贈，有0.5%至0.6%，略高於AEON，所以大眾依然跑出！

講左咁耐仲未講完！因為安信宜家有promote，星期五、六簽賬有1.8%回贈，打電話問過，連海外簽賬都計！回贈之高，足足抵銷晒1.75%手續費，即刻爽晒！優惠去到2010年2月28日。

MegaBox東九龍電腦節 - 駕駛篇

去開MegaBox東九龍電腦節，而你又係馬路之友，你可以用恆生MegaBox信用卡免費泊車兩個鐘（星期六日及公眾假期任何時段，或星期一至五下奏6 點後）。無MegaBox信用卡都唔緊要, 去得電腦節都買唔少野啦, 買滿$200就一樣有兩個鐘免費泊車。唔買野？同街錶一樣$8個鐘咋嘛～

美心早買粽享受

連復活節都未到，美心竟然有個優先價買粽，去到4月3日炸。
去到美心網頁，右邊最新推廣有資料睇。
http://www.maxims.com.hk/tc/index.asp

東九龍電腦節：電腦節以外的娛樂

講左幾日電腦節，仍然係電腦節！我諗大家都周圍揾，周圍睇電腦節有乜特價貨，今次我地就唔睇電腦節既野，而係睇下附近有乜野玩。
除左起電腦節迫迫迫，睇下九龍灣仲有邊度有得鬆下氣，順便玩下！

唱K
九龍灣有Neway同Greenbox~
1) Megabox Neway CEO：低至全單六折，聯絡電話係2196 2196
2) 淘大商場Greenbox：全星期全時段全單六折，聯絡電話係2186 6186

踩冰
Megabox MegaIce：就咁睇都無乜筍野，不過3/4至5/4期間有個業餘冰球邀請賽，可以免費起現場睇比賽
http://www.megaice.com.hk/

打保齡
九龍灣有兩個地方打保齡~
1) Emax 香港保齡球城：幫襯8局，其後2局可以$1享用，聯絡電話係2620 3010
http://www.emaxhk.com/zoning/bowlingcity.html
2) 淘大商場Dragon Bowling：好似無特別優惠
http://www.dragonbowling.com.hk/

睇戲
九龍灣有齊三大院線，主要都係用番平時既信用卡優惠！
1) Megabox UA IMAX：八達通日日賞$5可以當$15用，另一方面可以上網預訂4月9日起IMAX上畫既「天煞撞正怪怪獸」3D版
2) 德福廣場MCL：08年先開既戲院，座位寬敞
3) 淘大商場百老匯：最舊的，無乜特別

攝影
近排最hit既攝影地方，唔洗講一定係四月就要拆既牛頭角下村！牛頭角下村有成四十年歷史，有唔少舊屋村既情懷，亦有唔少茶餐廳大排檔美食，呢排仲有個「牛下開飯徙置生活九大簋」展覽，大家可以趕尾班車去趁下熱鬧
http://www.hkhulu.com.hk/NTKopenRice/

閱讀
Megabox大眾書局：盤點清貨，精選貨品低至3折

打機
Megabox有間Sony PlayStation既Play Ground，係全港最大，仲放左三部有軚盤既PS3玩GT5 Prologue，有機會要去試下

飲食
德福廣場既「密密食 密密日日賞」延長左，起指定食肆食夠$150，用信用卡/EPS/八達通找數，就可以得到額外日日賞$獎賞
http://www.telford-plaza.com/chi/view.asp?category=promo&id=250

* 由於電腦節係大型推廣節目，唔保証宜家既折扣優惠可以起個陣使用，所以去之前最好打電話問下先

東九龍電腦節：我要買「字」大的Mon

黎緊既星期四開始就係今年既第一個電腦節，根據上一年既經驗，通常電腦節就係買平mon既好時機，宜家潮流興 Full HD，個resolution要夠高，但係同一樣resolution又可以有幾隻size既mon揀，有時都唔知點揀。

我就鍾意電腦睇D字大隻D，始終上網唔係驗眼，點都要睇得舒服D架嘛！之前去鋪頭望下D mon，就咁睇真係唔知點同用開個隻比！之後問左個IT朋友，佢比左個list我參考，只要睇番用開既mon既點距，就可以比較番新 mon同舊mon既字體大細（點距越高，字越大）。因為我用過兩個mon，點距相差幾遠下，其中有個就係嫌D字太細太難睇，所以呢個list就幾岩我用，希望大家都岩洗。

Shell 入油點都有so

依排國際油價上落唔大，油公司唔加價自然都唔想減。依排貝殼公司就做緊個點都有so既promote，大家用Shell Bonus卡或者Shell Citibank白金卡入完油，除左享有你張卡原先既discount，睇睇張單個RECEIPT No. 最後4個號碼，你仲可以換以下既item： (個優惠由依家去到2009年5月31日)

去G2000 買滿$200 送$50現金券

今個禮拜去左G2000買衫，發現而家有個推廣活動宣傳中環旗艦店開張。每買滿$200，就送一張$50現金券，買得越多就越多現金券（例如一次買滿$600，就會送3張)。現金券可以累積使用，但係就有以下限制：
1. 只得一個月有限期
2. 只適用於購買G2000女裝行政服裝系列或在G2000中環旗艦店(中環皇后大道中48號萬年大廈地庫)貨品。

現金券係派完即止，如果呢排想買返工衫，不妨留意呢個優惠。

MegaBox東九龍電腦節

呢排有好多新聞講MegaBox既電腦節，睇新聞稿呢個仲係電腦通訊節2009系列的第一擊，09年第一個抗海嘯項目！

日期、時間、活動
前前後後有成12日，每日既活動時間係：
4月2日至4月12日：上午11時至晚上10時
4月13日：上午11時至晚上9時

除左每間參與商鋪有既優惠之外，主辦機構都有各類主題環節，可以睇呢度：
http://www.hkgolden.com/articles/article.aspx?id=2835

點樣去MegaBox？行路要拍八達通！
好多人都唔識去MegaBox，其實起九龍灣港鐵站係有免費接駁巴士。怕人多要等車，可以自己行，由港鐵站行去MegaBox大約10分鐘左右，交通資料可以去MegaBox網站睇。
http://www.megabox.com.hk/tc/intro/intro_3.htm

如果你真係揀行路既話，九龍灣站既港鐵特惠站（即係拍八達通卡搭港鐵平兩蚊）位於企業廣場1樓，即係以下地圖既1號位置，唔係好遠架炸，記得行埋過去慳兩蚊。
http://www.megabox.com.hk/map/walkingmap_tc.htm

簽夠數！有抽獎，有禮物，有積分，有回贈

呢排好多銀行都有簽夠指定金額既額外獎賞：

永隆銀行
滿$500有1次抽獎機會，滿$1,000有2次，只需要登記一次就可以了。
今次抽獎期至6月30日。
http://www.winglungbank.com/download/CnCoFrePaySpePro09Apr.pdf

星展Compass Visa
滿$500有2次抽獎機會，滿$1,000有4次，單次登記夠$5,000先保證最少中$5 Compass即享錢。
優惠至4月30日，每次可登記1至3張簽賬存根。
https://compassvisa.esdlife.com/2009luckydrawQ1/default.asp

創興銀行
滿$200有1次抽獎會，唔洗登記。
簽賬期至4月30日。
http://www.chbank.com/tc/content/perbk/creditcard/new_promotion/spending_luckydraw/spending_luckydraw.shtml

大新銀行
滿$500有1次抽獎機會，保證人人中獎。
簽賬期至5月31日。
http://www.dahsing.com/tc/html/credit_card/jetso/cc_luckydraw.html

交通銀行
簽夠$1,000可以換禮品，每樣禮品最多換10分，人人有份。
簽賬期至4月30日。
http://www.bankcomm.com.hk/mediafiles/images/spending.JPG

富邦銀行
滿$500可以登記抽獎，有額外信用卡積分。
優惠至2010年2月28日。
http://www.fubonbank.com.hk/web/html/cc_ovisald01_c.html

匯豐銀行
當每個月簽夠數之後，每額外$1,000簽賬可以有額外回贈。
優惠至6月30日。
http://www.hsbc.com.hk/1/2/special/chinese/cards/prom120

[4月4日]睇埋下一篇「估你唔到！匯豐高達200%回贈 」

[4月6日]再睇埋「渣打信用卡現金回贈 」

富邦白金卡 五招吸引你

如果有睇之前比較Miles同現金回贈既post，應該會發現有寫信用卡做緊1%現金回贈，今次就係想講講佢，佢就係富邦白金卡！呢排富邦推出好多正野，今鋪一次過show晒咁多招絕招比你睇。

第一招：簽一萬，獎一百
由即日起至2009年7月31日，簽$1有2分，夠20,000分就可以換$100現金回贈，計番有成1%回贈！

第二招：0息任分期
由即日起至2009年7月31日，簽賬$500，可享6個月免息免手續費分期。

第三招：簽賬必有賞由
即日起至2010年2月28日，每次簽賬滿$500，可以打電話8226 2663登記抽奬，一個月最多六次，共分十二個月。每次抽獎可能得到2,000分，3,000分或5,000分，即係最少回$10！
呢一part詳情最好睇睇官方網站：http://www.fubonbank.com.hk/web/html/cc_ovisald01_c.html

第四招：八達通自動增值
由即日起至2009年6月30日，成功申請八達通自動增值送你10,000分，變相係有$50，cover晒轉銀行既手續費之餘仲有突，最多可以申請4張八達通，自動增值同樣適用於「簽一萬，獎一百」！

第五招：迎新優惠
唔洗多講，淨係1%回贈已經相當吸引，加埋抽獎有額外積分，真係獎上獎優惠！最後睇埋迎新優惠先！2009年6月30日前申請，迎新禮物包括以下各項，簽$2800就可以有DVD機或者室內電話：

• MAX高清DVD播放機（MA-363）
• OLYMPIA數碼室內無線電話（SL300）
• 信用卡50,000積分
• 高達HK$40,000免息免手續費「現金分期零用錢」，6個月分期還款
• $250八達通自動增值金額

網上申請信用卡，再送10,000分，即50大元！

昂坪360水晶車

昂坪360將會起4月4日推出水晶車，車底係透明架！貪新鮮，唔怕畏高，即刻黎搭水晶車！

成人車飛價錢：
水晶車來回 $157
水晶車單程 $109
纜車來回（上山搭水晶車，落山搭普通車） $142
普通車來回 $96
普通車單程 $63

Yahoo! Blog推廣，昂坪360水晶車來回成人票有九折，去到10月4日：http://hk.promo.yahoo.com/blog/np360/e_coupon.html

帶VISA去澳門玩

如果一大班人去澳門，今次VISA個推廣都幾正，船飛同旋轉餐廳都有優惠。以下只列精選優惠：

TurboJet船飛-普通位
1. 香港澳門來回飛，買2套送1套（每日有限量，先到先得）
2. 香港澳門來回飛，買1套減$30

澳門旅遊塔
360旋轉餐廳 - 自助午餐或晚餐滿6位，可享1位免費

其餘仲有D酒店、旅遊塔食肆、商戶、笨豬跳、空中漫步優惠，直至7月15日。
即刻去呢度睇睇：
http://www.visa-asia.com/ap/hk/zh_HK/cardholders/offers/MacauPromotion2009_Chi.shtml

港鐵特惠站

好多人都知道港鐵有部特惠站機，拍一拍八達通就可以搭港鐵平2蚊，但係又成日都唔知自己屋企、學校、公司附近有無部機喎，其實港鐵個網站都有列晒咁多個地 點出黎，大家可以去以下港鐵網址睇下：
http://www.mtr.com.hk/chi/whatsnew/fare_saver.html
會展成日有展覽，其實會展附近就有一個適用於灣仔站的特惠站，就在華潤大廈二樓（註：另一個灣仔站的特惠站在集成中心，在298電腦商場及東方188附 近)。可能好多人都唔知華潤大廈喺邊度，今次就教大家點由會展出發去灣仔站特惠站，再去灣仔港鐵站：

去完展覽，去返會展舊翼大堂，不要從大門走，轉左經會展茶餐廳離開會展。


經過滙豐銀行提款機，來到圖示的分叉口，如向前行就會經中環廣場去灣仔地鐵站。因為要去嘟咭，今次就向左行。



下圖為轉左後再行幾步見到的分叉口，轉右行天橋。


行到盡頭，就會到達鹰君中心，見七十一便利店轉右。


轉右後有一條短天穚，另一邊就是香港展覽中心。


在橋的盡頭見中藝招牌轉左來到單程路，在圖示的通道一直行（你的右邊是中藝），來到大堂，就到了華潤大廈，在第一個路口轉左。


來到另一邊通道，在右邊首先是一間咖啡店，然後就是華潤超巿。


在下圖的轉角位向右行，在通道直行(你的右邊依然是華潤超巿)。


見到特惠站喇，嘟八達通！


然後教大家去返灣仔站，回到華潤大廈大堂，向華潤堂的一角走。


會見到中環廣場在面前，現在就是要經中環廣場回港鐵站。


從左手邊的天穚去，見圖，後再轉左往下落，就會經過行人路到達中環廣場的一邊。


去到中環廣場，就會有指示教怎樣去灣仔地鐵站，經過入境事務處大廈，見下圖後再轉左。


從圖示的天橋一直走，會經過California Fitness及麥當勞。


到灣仔站了。


其實要從會展去灣仔站特惠站，都唔係要走多幾多路，行程只係大約多七八分鐘，絕對建議大家去完會展去嘟（如果大家要喺灣仔搭港鐵的話）。

要享用此優惠，請留意刊登於http://www.mtr.com.hk/chi/whatsnew/fare_saver.html的優惠細則。

做Pappagallo VIP

出左新既Pappagallo VIP啦，限期去到2010年10月，同舊既版本一樣，買野有9折（麵包及飲品除外），1磅或以上蛋糕85折，自選尊貴月份，1磅或以上蛋糕8折。

今次張咭係1大1細，優惠一樣，即係一人登記，兩人享優惠！

另外，如果你有張今年3月到期既VIP咭，只要買1磅蛋糕就可以續會，佢會收番你張舊既VIP咭，平時要入會就要一個月內幫襯滿$300！

學生哥睇戲只要$35

MCL
3月31日或之前，全日制學生起MCL康怡、將軍澳、德福買星期一至五下午5:45前既學生飛，只要$35！

UA
5月31日或之前，星期一至五下午6:00前，UA沙田、黃埔、太古城、東薈城學生飛只要$35，時代廣場、朗豪坊就要$40。

Pizza Hut優惠一覽

食Pizza想食厚批、芝心批，始終都係要去Pizza Hut先得，睇下呢排Pizza Hut有乜推廣先！

東亞卡
堂食套餐特價左都過200，兩個人share，每個人都要百幾蚊，都唔平架，不過真係好多野食，每次D信用卡推廣套餐，都有D懷疑2個人點食得晒！

• 堂食：指定2人餐，由$428減至$214（5折）
• 外賣：指定套餐，由$327減至$198（65折）
• 惠顧滿$500，送2009 Pizza Card 2張，迎新優惠券1套，裏面會有張夏威夷風光鬆厚批（普通批）換領券另外憑卡簽賬，有張下午茶餐優惠券，其實張券吸引力麻麻，唔介紹佢啦
• 優惠期至4月1日

恒生Enjoy卡
真係幾enjoy，成日都見到佢D正野，以下呢個係全年優惠。

• 堂食滿$500，送夏威夷風光薄脆批或鬆厚批（普通批）換領券一張
• 外賣自取9折（呢樣就好多卡都有）

Pizza Card
宜家Pizza Card太多限制，好多野都無得折，主要都只係可以儲下分換野食。
1) 迎新優惠
即日至4月30日，啟動Pizza Card，可享50積分
啟用當日惠顧Pizza Hut，首次交易有額外75積分

2) 現有會員
即日至4月30日或之前惠顧，首次交易有額外75積分

美心天使蛋糕優惠

唔係嘛！？又有蛋糕做優惠，繼Pappagallo同東海堂之後，今次到美心西餅做推廣。想食呢排起電視賣廣告既天使蛋糕，原價$148，可以起以下網站印張$20現金券出黎，記住一定要現金比錢。平就唔係平好多，計番得87折。9月30日前用匯豐卡去美心買$118或以上既忌廉蛋糕都有9折。
http://www.maxims.com.hk/html/angelcake/

今次做個summary，抵食推介始終係Pappagallo，繼而東海堂，美心始終無乜點平。

Pappagallo
6款忌廉蛋糕及6款雪糕蛋糕，預訂送1磅
2磅忌廉蛋糕$168，2磅雪糕蛋糕$218
4月3日或之前訂講，需要3個工作天前預訂，4月30日或之前取餅

東海堂
流心芒果蛋糕
恒生卡73折，由$148減至$108
4月15日或之前適用

美心西餅
天使蛋糕
使用現金券，由$148減至$128
4月19日或之前適用

一次過盡享潮樓優惠

第一樣
唔洗講，呢排稻香既一蚊雞出晒名，潮樓/潮館係「砵頭梅子穗香雞」，夜晚6點至9點，無條件任叫，聽職員講有9個人食9隻雞既記錄！呢個優惠寫話去到3月尾。

第二樣
呢個複雜D：
(a) 元朗廣場、葵芳新都會、青衣城、旺角新世紀分店
星期一至四（公眾假期除外）全晚6折
星期五、六、日、公眾假期，夜晚9點後7折
(b) 屯門時代廣場、觀塘APM、銅鑼灣信和廣場、旺角荷李活中心分店
星期一至四（公眾假期除外）夜晚6點至9點，有8折
每日夜晚9點後7折

以上適用於大菜牌內小菜及潮州打冷
唔適用於海鮮、推廣菜式、宴席、酒水、粥麵飯、甜品
全日免茶、免芥、免加一

第三樣
用DBS卡或者Compass Visa埋單，星期一至日夜晚6點至9點送糖水，公眾假期除外，直至12月31日。

一二三齊齊用
傳單就寫話信用卡唔可以同佢既6/7/8折一齊用，但係我問waitor又話三樣一齊用都得喎，不過最後有人請食飯，睇唔到張單，所以大家最好 confirm一下先叫糖水！
好味又抵食，大力推介！

八達通優惠 - $22買KFC公司家鄉雞烤卷餐

八達通又有新優惠，由2009年3月6日至4月6日，可以用八達通到KFC用$22買到原價$30.3嘅全新公司家鄉雞烤卷餐，計落即係仲抵過75折，個餐除左有家鄉雞烤卷，仲有雜果菜絲沙律同汽水。平時剩係單買公司家鄉雞烤卷都要$14.8，即係加多$7.8就多個雜果菜絲沙律同汽水，都算幾抵食。不過要留意，此優惠只適用於香港肯德基堂食及外賣自取(香港大球場及沙田馬場分店除外)，而呢個餐只會係優惠期內上午11時後供應。

灣仔免費泊車

揸車最怕係塞車同搵位泊車，前者幫你唔到，後者既話你去開灣仔就正喇！事關 依 家你有大新或者豐明信用卡就可以去合和中心免費泊車３個鐘，最緊要係唔 使消費都得！灣仔d停車場起碼都要廿幾三十蚊一個鐘，咁樣free parking大大 話話都慳 番唔少呀。

記住走之前去顧客服務中心show張信用卡，依個優惠係去到５月１０號，星期一 至星期五下奏６點至第二日８點先適用，星期六、日同公眾假期就全日岩用！無 卡仲唔去快d申請番張？！

http://www.dahsing.com/tc/pdf/credit_card/cc_east_dining.pdf

AEON吉之島10%回贈

正野！去JUSCO買野有10%回贈，即係自動打九折！ 條款幾多下，只係講重點。

• 用AEON JUSCO卡或者AEON本身既卡先可以有優惠，其餘既AEON卡同聯營卡都唔得！
• 有齊JUSCO、JUSCO SUPERMARKET、JUSCO 10元廣場、JUSCO Living Plaza、Bento Express、JUSCOCITY網上購物城。
• 適用於2009年3月14日至4月5日既星期六、日，簽賬要滿$500，以單一簽賬同簽賬淨額計算，就可以有10%回贈，起5月2日到期付款日月結單會見到回贈，全期最多回$200。
• 特許銷售商唔包括起呢個優惠。

http://www.aeon.com.hk/wps/wcm/myconnect/aeonweb/TC/others/index_promotion_popup1h/

Fujitsu五年首度電腦開倉

朋友比左D資料過黎，話Fujitsu開倉喎。呢排聽開倉就聽到麻木晒，個個做特價都叫開倉，不過今次Fujitsu就認真夠晒綽頭，話五年黎首次開倉！真係金融海嘯沖埋黎，唔開唔得咁呀！廢話講完，即睇詳細資料！

Notebook低至$1,998
日期：2009年3月20至22日（五至日）
時間：12:00pm - 8:00pm
地址：銅鑼灣皇室堡11樓1138室（新暉）
查詢電話：3101 8118 / 3101 8133

Fujitsu notebook一向個樣都唔錯，唔知D平貨有無靚野呢？

$10朱古力瑞士卷

行過聖安娜，見到佢既朱古力瑞士卷做緊promote，10蚊有交易。

以前覺得瑞士卷係D好平好簡單既蛋糕，因為就算傳出餅店要執笠，D人趕去餅鋪用晒所有西餅卷換野，餅鋪都係大量製作瑞士卷應市。但係宜家無呢支歌仔唱，自從一兩年前話麵粉貴左，連瑞士卷都可以急升去十幾蚊，宜家聖安娜真係叫做平。

個promote都做左一輪，想嘆下午茶過下口癮就要快啦。

親身試過一蚊雞

呢排見到稻香有超抵優惠 - 1蚊雞（想再平Ｄ?五毫半隻），就去左湊熱鬧試下。 去到門口，見到有好多人等位。喺逆巿中都有咁多人捧場，稻香都算係非常成功。 有枱後二話不說就向個侍應點左隻一蚊雞，佢就話每晚的供應都幾充足，（註：貨 源充足就最好，最怕D所謂超抵優惠只係先到先得而又只得極少名額，我作為一個 打工仔要返工都無時間排隊等，先到先得優惠都無我份）。八下怪望下其他枱，枱枱都有隻一蚊雞（註：條款無限明係每枱只可點一隻一蚊雞，大家都另叫其他小菜，無理由成餐剩係食雞咁少餸0既）。

終於等到一蚊雞（註：一蚊雞官方名稱是貴妃穗香雞）上枱，真係成隻雞無取巧， 仲奉送薑蓉（註：薑蓉不另收費，唔好相信薑蓉要收費的網上傳言）。我食果隻雞 就比較少肉，味道非常一般，其他酒樓的貴妃雞會比較好食。但係一蚊的價錢就有 成隻雞食，都無必要要求咁高，整體上都可以叫做超值啦。

其實本人都幾鍾意去稻香食飯，材料幾好，菜式大眾化，價錢又唔算話太貴，唯一 唔滿意就係D位好迫(我係去灣果間)，無計啦，因為實在太多人去果度捧場。

一蚊雞只限堂食，不可外賣或攜走。稻香同迎囍都收$8茶芥再加一。客家好棧同潮 館就唔收附加費。


優惠詳情可瀏覽稻香集團官方網頁：
http://www.taoheung.com.hk/tch/promotions/tao_heung/promotion_details_83.jsp

恒生信用卡百老匯購物低至65折

百老匯再次用恒生卡做promote，折扣達65折。如果電器值$2,000以上，仲可以用1 Cash Dollars當2蚊洗，但每次最多只可用100 Cash Dollars。

本來呢類型既promotion都無乜賣點，通常都只係為左清舊貨，不過睇到佢用Nokia N82做大特價又想講下。早排朋友換電話，都係睇中呢部機，仲話以直身機黎講，功能仲勁過之後出既直身機，佢又鍾意數字鍵多過Touch Screen，咁就買左！過左無耐就平咁多，實激死佢！部機做得大特價，應該都出左好耐下，抵就抵啦，仲要睇下大家要唔要追新款啦。

呢次推廣做到5月3號，可以慢慢諗。http://www.hangseng.com/hsb/chi/pmo/grp18/p17/index.html

港鐵「開心一嘟大抽獎」抽獎結果

就算你無睇過之前既介紹，之前完全唔知有呢個抽獎，只要你起今年1月1至2月28有搭過港鐵，就有機會得到$500超市禮券！聽日會起星島、英文虎報、港鐵網站、港鐵車站公佈結果，中左要起26號前自己打電話登記架！

[3月13日] 港鐵網出左名單啦！快D去睇！
http://www.mtr.com.hk/chi/whatsnew/lucky0901.html

蛋糕的選擇？

呢期最抵食既蛋糕，一定係早排介紹過既Pappagallo買一磅送一磅！如果你起一個月內買滿$300，仲可以做VIP，買1磅或以上既蛋糕可以有85 折，再自選一個尊貴月份，仲低至8折！就算用信用卡，都係頂多比95折你炸！

如果嫌2磅蛋糕太大個，想食細個D，又有無好推介呢？咁岩有喎！就係東海堂新推出既「流心芒果蛋糕」，原價$148，恒生卡有73折，減到$108炸！東海堂做到七幾折真係好少有，而佢既口碑又一向都唔錯，真係好值得試下！

「流心芒果蛋糕」圖片：
http://www.maxims.com.hk/images/AW_poster_out(Final%20on%2017%20Feb)_low(4).jpg

美心網站（可在最新推廣找到東海堂蛋糕相關資料）：
http://www.maxims.com.hk/tc/main.asp

消委會汽油計算工具

最近油價大幅回落，但油公司加快減慢，加上好多時油公司推出嘅信用卡或優惠咭優惠又時時改，車主入油嘅時候都無所適從，往往要到處搜尋邊間最抵，邊張信用卡或優惠咭優惠最多。

但宜家我地啲車主終於唔咁辛苦啦，因為最近消委會推出新的監察油價系統，市民可以利用在消委會網頁上的「油價計算機」(http://www.consumer.org.hk/pricewatch/oilwatch/)，計算每次入油的支出，系統可以比較本港5間油公司的汽油價格，包括中國石油Petrochina、中石化Sinopec、埃索Esso、蜆殼Shell及加德士Caltex，以進一步提高油價透明度。

系統的最大賣點是以圖表形式按著價格由低至高，列出兩款汽油及一款柴油每公升的折實現金價，市民只要輸入預算的金額和入油量、汽油種類和油公司名稱，系統就會以價錢高低，計算出油價，供大家參考和選擇，搜尋時可以選擇顯示現金及一般信用咭價格、顯示積分或優惠咭價格同顯示所有信用咭價格。系統亦可根據油公司提供的信用卡及積分優惠，計算出最理想的組合，仲可以選擇顯示指定信用咭價格。以後入油前搜尋最抵嘅油公司同折扣或信用卡優惠就話咁易啦~！

中國工商銀行(亞洲)自動轉賬支薪優惠

如果你本身已擁有中國工商銀行(亞洲)嘅信用卡，就要注要呢個優惠。由現在起到2009年3月31日以中國工商銀行(亞洲)賬戶作自動轉賬支薪可享月薪3.3%的信用卡免找數簽賬額。

優惠適用於在推廣期開始前6個月未曾透過中國工商銀行(亞洲)賬戶作自動轉賬支薪的客户。客户須親臨中國工商銀行(亞洲)任何一間分行登記參加此推廣活動，並於登記後6個月內於本行有連續3個月自動轉賬交易(必須由僱主以自動轉賬直接存入已登記的賬戶)，而每次支薪金額不能少於港幣$10,000元。

信用卡免找數簽賬額將為登記後6個月內之最低月薪支薪金額的3.3%，「理財金賬户」客戶最高免找數簽賬之上限為港幣$3,000元，其他客戶則為港幣$1,000元。信用卡免找數簽賬額將於連績3個月成功白動轉賬支薪後第2個月存入合資格客户所登記的信用卡賬户內，客戶於信用卡免找數簽賬額存入時必須仍持有本行有效之信用卡。不過要注意免找數簽賬額只可作信用卡簽賬，並不可作現金透支或繳付信用卡結欠。

快餐店優惠

雖然快餐店點都唔肯減價，但係就多左其他優惠，吸引大家去幫襯！

美心
今次呢個優惠好短，但係就幾吸引，食滿$18送一個印花，一星期內集齊五個印花就可以起下次幫襯當$15使，印花分兩期：
第一期印花派發時間：8/3 - 14/3，印花卡有效日期：8/3 - 21/3
第二期印花派發時間：15/3 - 21/3，印花卡有效日期：15/3 - 28/3
通常呢D一星期食夠幾次既飯，都係要一大班人一次過食夠佢，再share番個discount。

吉野家
宜家吉野家有儲印花換野食或者抽獎，不過佢一向價錢偏高，我就好少去，所以都係比大家得個「知」字就算。
http://www.yoshinoya-hk.com/large.php?photo=photo49b4dafa53119.jpg

大家樂
雖然宜家無乜特別優惠，但係依然有佢既長期Club 100會，比$10入會登記八達通，可以有$15現金券同一張飲品券。之後每食滿$18就有一分，一個星期內（星期一至日）食夠5分就送一張$10現金券同下午茶小食券一張。
http://www.club100.hk/Club100/

大快活
暫時揾唔到資料，歡迎大家報料。
不過，大快活係可以儲八達通日日賞架。

簽卡要儲Miles定現金回贈？

起香港既飛行常客計劃黎講，「亞洲萬里通（Asia Miles）」都應該係最出名既一個，好多信用卡都可以將簽賬積分換Miles，但係儲Miles定要回贈抵D？真係要計下先知！

之前睇過某D報導，都係話起大時大節，用Miles換機票幾抵幾抵，但係去旅行想抵玩D，梗係要起淡季去！另一方面，宜家金融海嘯，航空公司都要大減價搶客，所以今次既比較就用左呢D特價機票做reference，真真正正睇清楚儲Miles係咪真係咁抵！

里數 VS 回贈
今次大搜查用左世界各地既旅遊熱點，用左港人喜愛既國泰同港龍做參考。要留意免費換機票係未包附加費，即係燃油、機場保安稅之類，所以參考價格都係以純機票價錢睇。另一方面，每張信用卡兌換Miles既所需分數都唔同，大家要睇番自己D卡既資料。而部份銀行兌換Miles需要收手續費，呢度又係假設無手續費。

睇番個結果，儲里數大致上都比較抵，加上機票大特價唔係成日有，如果想去旅行，都可以考慮儲里數，取代現金回贈。當然，要儲夠里數都係幾長遠既事，現金回贈就可以快D感受到信用卡帶比你既優惠。

其他選擇
講開又講，除左簽卡之外，平時買機票都可以儲Miles，但係要睇機票既Class，而特價機票通常都無得儲。至於平時既消費，起Columbia購物，去Wildfire、泰．蘭花、特定酒店食肆食飯都有機會儲Miles，詳情可以睇番Asia Miles網站。http://www.asiamiles.com/

除左國泰、港龍，其實仲有D廉價航空公司，機上設備比較少，收費項目比較多，唔可以單以票價考慮，但係overall既價錢都仲係好有競爭力！比較出名既有Airasia，有D人仲會買兩程機票，由香港經吉隆坡轉機飛澳洲，不過就要留意番每程機都要交稅等等既附加費。

美心MX $15「早」飯與麥當勞$1即磨咖啡

早幾日經過美心MX，見到佢有個$15粟米肉粒飯廣告，起星期一至五11-12am及5-6pm期間推出，數量有限。如果食飯時間flexiable，呢個飯都算好抵架啦！早排睇報紙話D打工仔為左慳錢，都係食廿蚊粉麵，仲唔夠飽添呀！

另一方面，如果有睇之前抗海嘯個post，應該知道聽日就係麥當勞$1即磨咖啡既優惠開始，9-11am時段提供。

奧海城三月推介：$10換禮品

起大角咀既奧海城，雖然都幾近旺角，但係港鐵要搭東涌線，始終比人有種好偏僻既感覺。通常去個度就係為左大節日都仲可能有位既戲院，又或者係有朋友推介既保齡球、打街機、同電視宣傳節目！

奧海城今個月有個優惠，三月既星期一至五，用信用卡、八達通、EPS消費滿$200，就可以用$10換指定貨品。禮品每個禮拜都唔同，最正係保齡球一局，不過呢個做到今晚就遠，有綠既朋友，今晚無野做就去幫襯下啦！

詳情請睇官方網頁，話時話，個網頁仲有版係「電子贈券」，大家識做啦！ http://www.olympiancity.com.hk/oc/eventCal_chi.asp

匯豐今期「最紅星期五」：八達通自動增值10%回贈

匯豐呢排既話題都離唔開股票，不過我地都要留意下佢D promote既！除左早幾日越簽越獎，有5%回贈，今期「最紅星期五」都唔錯，八達通自動增值可以有10%回贈，鍾意嘟乜買乜都得！不過最衰既係只受新申請玩，仲要係首次用匯豐自動增值先得，舊人一律免問。

05/03/2009 - 31/5/2009
星期五 10%回贈
星期六至四 2%回贈

01/06/2009 - 31/7/2009
任何日子 2%回贈

迎新獎賞仲有$30比你，如果你用開其他銀行既自動增值，就要比$20手續費。有成10%回贈喎，轉完再轉都抵啦。

詳情可睇匯豐網頁：
http://www.hsbc.com.hk/1/2/special/chinese/cards/prom114

用Citibank 流動理財務 拎走高達$150 現金券同埋理財優惠

手機上網服務越黎越平，令到多左人用手機上網，令到銀行都積極推廣流動理財概念。

而家Citibank就做緊推廣，只要你有citibank網上account，再用手機login佢個流動理財服務就送$50現金券(先到先得)。假設你有citibank account (例如有張citibank信用卡)又有部可以上網的流動電話，用你幾分鐘login佢個流動理財就攞到$50現金券。

首次用佢個流動理財開立定期存款仲有$100現金券，仲有其他理財優惠添！呢Ｄ優惠去到三月三十一號就截，真係要快手喇。詳情及條款可瀏覽citibank 網頁:
http://www.citibank.com.hk/global_docs/mbanking/popup/offer_chi.html

匯豐信用卡越簽越獎

起6月30日前打電話8226 0838登記張匯豐信用卡，佢會指你既目標消費額，起每個月消費滿目標金額之後，每1,000蚊既額外簽帳，就可以得到額外既簽賬回贈，有機會係10蚊、 20蚊、50蚊甚至係100%回贈！回賬幾多就睇你好唔好彩，抽到幾多啦。詳情請睇匯豐網頁。
http://www.hsbc.com.hk/1/2/special/chinese/cards/prom120?WT.ac=AMH_PFS_PWS_0903_SC1_M_MTSPEN_01_C

去濕地公園，港鐵有優惠！

無錢出國去旅行，但係又想周圍去下，其實香港都有唔少旅遊景點，今次介紹既係起天水圍既濕地公園。

宜家港鐵有優惠，起3月15日前，只要搭港鐵去天水圍站，出閘之後仲可以拎張濕地公園門票9折優惠券，唔好以為慳得3蚊雞咁少，因為憑券去濕地公園購票，仲可以有張「輕鐵 /港鐵巴士一天乘車證」，玩完濕地公園順便周圍去，平時單程都要成4，5蚊架！因為本身搭西鐵已經送一程輕鐵，所以個日搭輕鐵係完全唔洗比錢架！
每逢星期六、日，濕地公園內都有好多個導賞團，如果你鍾意聽下故仔學下野，就記得參加啦！

玩完濕地公園，有時間可以去埋起天水圍站既屏山文物徑，主要係睇傳統中國建築，有古廟、宗祠，同香港唯一古塔 - 聚星樓！（其實起天水圍站都望到聚星樓，哈哈！）

至於食野方面，可以去元朗食出名到未食過都聽過既B仔涼粉，想飽肚既話，起屯門至天水圍一帶有好多燒烤樂園，想食得豪氣，可以去流浮山或者屯門三聖食海鮮！

常規優惠

講完濕地公園活動，我地呢班追求至抵既朋友仔又點會淨係著眼於家陣既promote！如果無上面個優惠又點算？其實港鐵仲有張長期都有既「西鐵全日通」，全日任搭西鐵線、輕鐵、港鐵接駁巴士，張飛都只係$20炸！大家可以先用八達通搭港鐵去美孚，出閘之後買張全日通再入閘。如果來回都搭西鐵，未計你搭輕鐵，都會平過你用八達通由港九直入天水圍！去港鐵網站計過，試左五個車站（東涌、柴灣、觀塘、黃大仙、將軍澳），五個都適用於呢條rule架！都咪話唔正！「全日通」出閘唔會收番，可以留為紀念。
另一方面，如果你人數多，10個或以上仲可以起濕地公園買團體飛，都有九折架！計計埋埋，仲抵過家陣個 promote啦！

「有衣食日」少飯可以平1蚊

直至10月期間，每月第一個星期三係「有衣食日」，起參與既食肆買飯個陣講句「少食，唔該」，咁碗飯會少左3分1，但係亦會平1蚊比你。唔洗浪費食物，餐飯又慳番少少，岩晒D細食既人。

個活動係由「綠領行動」搞，網頁度有寫邊間鋪頭參與，比較大路既有美心MX，維苑餐廳，珊瑚堡餐廳，太興同翠華等等。黎緊個個星期三就係「有衣食日」，不妨參與下呢個活動。

http://www.greeners-action.org/modules/AMS/

[麥當奴 x 日日賞 x 八達通自動增值] Jetso Crossover

首先講下麥當奴既麥樂會, 今年會費$30, 以後每逢買套餐show下會員証, 就會送多件食品. 之前試過係新地、蘋果批、薯條等, 都值5至6蚊. 3, 4月係送細薯條, 或者加$4換新地. 另一個係媽咪會, 年費都係$30, 只要消費滿指定金額就會送杯野飲, 或者用優惠價買多個包.

跟住就係今次既重點, 好多時我地用優惠, 都會見到類似咁既字句 -- "不可與其他優惠同時使用". 今日就想同大家分享下一啲可以兩樣, 甚至三樣一齊用 (濁稱起三飛)既優惠, 岩岩介紹既麥樂會, 就係可以起三飛既優惠.

因為麥當奴係收八達通既, 如果你有自動增值, 咁一比錢就可以享有信用卡既現金回贈 (0.4%-1.8%回贈). 咁已經係雙飛. 而麥當奴亦係日日賞既成員之一, 即係話你可以儲埋日日賞積分 (0.5% 回贈).

至於最抵用既地方, 一定要介紹既就係... 連開心樂園餐都可以用張咭!!! 即係最平既漢堡包餐, 只要比$17.3就會有
漢堡包 + 細薯條(送) + 細粟米 + 熱朱古力 + 玩具
係一個勁滿足 (數量上) 既組合, 男仔唔夠飽既話, 買多個$9麥香雞都只係$26.3, 大約係平時食一個餐既價錢!!!

計番條數, 假設買一個漢堡包餐 ($17.3), 得到既優惠就有:
細薯條 ($5.5) + 1.8%信用卡回贈 ($0.31) + 日日賞積分 ($0.09) = $5.9
5.9 / 17.3 = 34.1%
足足係套餐價錢既 34.1%! 即係食麥當奴都有 66折!

無公司會做蝕本生意, 其實呢 D 優惠既成本, 好多時已經反影係售價上. 你俾 66% 價錢, 佢已經賺左你. 如果唔用優惠, 即係自願俾多 34% 錢. 所以有優惠, 就要用盡.

一蚊雞課程

有時悶悶地都想搵D野，咁啱U Magazine同唔同單位合作舉辦「$1 Leisure Course」。課程多元化，有化粧﹑嘗茶﹑嘗酒、攝影課等，所有課程只需＄１學 費，不妨睇下有無啱心水課程。所有學費仲會由U Magazine全數撥捐聖雅各福群會 轄下之眾膳坊食物銀行。又平又可以做善事，正喎！

要密切留意各課程開始報名的日期，因為有D課程都幾快滿額。可惜個旅遊相片編 輯工作坊咁早爆滿，如果唔係都會報名。我而家就等緊報旅遊攝影工作坊。

詳情可瀏覽U Magazine 網頁:
http://www.umagazine.com.hk/event_result.php?event_pkey=56

近期信用卡演唱會優先訂票

紅館開番，歌手輪住開concert，信用卡亦都順手搞個優先訂票，東亞同渣打黎緊就有呢個計劃，fans們要注意！

東亞卡 - 古巨基2009演唱會
日期：2009年4月23、24、26日
票價：$450/$300/$200/$100
優先訂票（白金卡）：2009年3月2日至6日 9am - 9pm，致電2185 6194
優先訂票（其他卡）：2009年3月3日至6日 9am - 9pm，致電2861 1611
手續費：每張$20或者用5,000積分豁免手續費
http://www.hkbea.com/hk/pb/cc/latest_promotion/promotion_5/index_tc.htm

渣打卡 - 謝安琪吶喊演唱會2009
日期：2009年5月8日至10日
票價：$450/$300/$200/$100
優先訂票：2009年3月9日至13日 9am - 9pm，致電2861 1611
手續費：每張$20
特別優惠：Click-a-Count Titanium卡可享票價10%回贈，以兩張門票為限，最多回$50
http://www.standardchartered.com.hk/promo/kay-tse/zh/index.html

麥當勞超值選與美食優惠咭

麥當勞呢排又搞新花臣，首先超值選個邊，$9一個豬柳蛋漢堡，麥香雞順手加價由 $8變$9，同埋新加入$6香芋批，難得蘋果批維持$5。
同時間新出左張美食優惠咭，$10一張，買下列A款美食一款，送B款美食一款，5月 20日前無限次使用。

A款美食
汽水(大) $8.8
雀巢檸檬茶 / 蜂蜜雪梨茶(大) $10.5
McCafe意大利泡沫咖啡 / 鮮奶咖啡(12oz) $19
McCafe凍優質濃香咖啡(12oz) $12.6
麥旋風 $9.3
蘋果批2件 $10

B款美食
新地 $6.8
雀巢檸檬茶 / 蜂蜜雪梨茶(大) $10.5
汽水(大) $8.8
濃滑奶茶 $8.7
熱朱古力 $8.3
優質濃香咖啡 $9.0

* 個價錢係去麥當勞網頁睇，要注意間間麥當勞價錢係唔同架！

如果好似平時買餐再加甜品既叫法，睇下抵唔抵先：
豬柳蛋漢堡 $9
薯條(中) $8.8
汽水(大) $8.8
送新地
咁計都要$26.6，已經揀左最平既飽，都唔係平好多……不過約埋friend吹水，叫兩 杯野飲share都OK既，

M記另外仲有媽咪會同麥樂會，之後再講。

去日本城買滿$50, 佢送返$50?!

呢排個鬧鐘壞左，咁0岩經過日本城就睇下有無0岩心水，見到個幾0岩心水的RYTHM (麗聲, 日本牌子)，有八折就買左。但今次所講的著數無咁簡單。

而家去日本城集團（包括日本城、生活提案、文具世代或優質乾洗會）買滿＄50， 就送優惠小冊子（共有＄50優惠券）：
1.兩張日本城或生活提案＄5優惠券　（買滿＄50才能用）
2.兩張優質乾洗會＄5優惠券　（買滿＄50才能用）
3.兩張文具世代＄5優惠券　（買滿＄50才能用）
4.一張日本城或生活提案＄10優惠券（買廚具用品滿$150才能用）
5.一張日本城或生活提案＄10優惠券（買小家電滿$150才能用）

有效日期係三月一日至三月三十一日，短就短左D，但係覺得有用的話不妨留意 下。我就覺得總會有張0岩用，文具優惠券可以俾細路妹用，其他券孝順下父母都 正啦。當你只係用到＄10優惠券，之前買果樣野都差唔多另外再平八折。

免費聽Talk渣飛機

起Megabox間Flight Experience一直主打用737飛機既真實儀器玩Flight Simulator，宜家有推廣活動，2/26，3/7，3/13三日分別有唔同既主題演講，完左 仲有5分鐘試玩，一嚐渣飛機滋味！每日得30個位，要玩就要快！
http://www.flightexperience.com.hk/en/

卡拉OK折扣優惠決戰

Neway
農曆年個陣Neway首先推出全單7折，家陣鬥價鬥到最低全單6折，仲話唔收版權費！即刻睇下佢個條款先：
星期日至四及公眾假期全單6折
星期六、日及公眾假期前夕全單7折
加一服務費要照原價收
CEO花生，果盤都要原價收

加州紅
另一邊廂，加州紅大大隻字寫到明全星期、全線、全時段全單7折，優惠去到4月30日，不過早餐無優惠。3月31日之前仲有1蚊自助餐比你嘆下咁話！

Pappagallo「一磅價錢，兩磅享受」

Pappagallo推出訂蛋糕送1磅優惠，所以2磅雪糕蛋糕只要$218，普通蛋糕就只需要$168！以連鎖店黎講，都應該係全城最平架啦！

有6個雪糕蛋糕同6個普通蛋糕選擇，優惠期至4月3日。訂蛋糕要3個工作天前，要訂就去官方網頁。
http://www.pappagallo.coam.hk/services/eshop/main.php?action=list&CatType=Category&CatID=18&lang=tw

齊抗金融海嘯！三、四月飲食業優惠

「齊抗金融海嘯大聯盟」會起今年推出零售同飲食業既大型優惠活動，打頭炮係三、四月既飲食優惠，參與商戶會提供$1產品或者全單八折優惠。
個優惠表可以起下面條link度download，要留意個集團未必間間分店有優惠，優惠期亦都唔保証全個三、四月都有，而$1優惠通常有數量限制。
http://www.jcaft.org/trad/search.php

睇番個表，$1優惠通常係限制多多，要指定時間，每日限售，都幾難攞優惠。相比起來，全單八折容易有，同埋金額大D，比較吸引。
算最易有既$1優惠係麥當勞，上午9點至11點，可以$1買8oz即磨咖啡，間分店無就比普通咖啡，3月9至20日，星期一至五有效。

港鐵友禮會「站站獎」新一輪禮品

港鐵個「站站獎」計劃起3月1日就會轉新禮品，亦係活動既最後一期禮品，今次淨係得單程飛同車站商店10蚊現金券。講特別真係唔夠宜家Kubi個D特別，古巨基 Fans記得起2月28日前最後搏殺！換野要揾「e分鐘著數機」，下面條link話埋你知邊個站有部機。
另外，3月1日起，車站商店消費滿$30送30積分，詳情都係睇下面D link。

禮品詳情：3月1日至6月30日
港鐵大使單程票 400分（有2款,3至4月1款，5至6月1款）
$10車站商店現金券 400分（3月31日前為300分）

禮品詳情：2月28日之前
Kubi單程票 400分
Kubi多用途袋連吊飾 100分 + $28
Kubi USB 2GB 100分 + $58
Kubi x 豆腐人Tee 200分 + $128

e分鐘著數機
https://www.mtr.com.hk/mtrclub/images/chi/EIB_Map.jpg

港鐵車站商店購物送積分詳情
http://www.mtr.com.hk/mtrclub/club_prom.php?p=instant_reward_detail

領匯「隨意泊」優惠計劃

好多車主都知道養車其實係一樣幾高消費既玩意，每年都要俾牌費保險費，呢啲都唔慳得，再加上每次揸車既油費同泊車費，其實都幾溶...

現時油價回落，車主最煩惱既可能係去邊度泊車最平最抵，其實個個車主都希望去 到邊就泊到邊，無論吃喝玩樂，都唔洗考慮每個停車場既收費，咁啱有日行過領匯 商場見到領匯停車場「隨意泊」優惠計劃，領匯停車場月租私家車車位用戶只須每 月另加388元，便成為「隨意泊」用戶，即平均每天額外付出13元，即可於領匯旗 下161個停車場的時租車位，由每天早上8時至凌晨12時，免費任泊！

如果你係領匯停車場月租私家車車位用戶咁就啱晒，參與既領匯停車場遍佈港九新 界，包括距離香港電影資料館10分鐘步行時間既愛東商場停車場，距離香港仔海濱 公園及香港仔漁類批發市場15分鐘步行時間既田灣商場停車場，距離赤柱廣場3分 鐘步行時間既赤柱廣場停車場，距離「昂坪360」5分鐘步行時間既富東商場停車 場，距離香港濕地公園15分鐘步行時間既天澤商場停車場...真係去邊度玩都唔洗 左計右計，再加上農曆新年就到，去親友屋企度拜年，附近都總會有個領匯停車 場，泊幾耐都唔駛擔心啦！

申請表可以係領匯旗下商場客戶服務中心或領匯旗下停車場繳費處索取，亦可到領 匯網址www.thelinkreit.com下載。