2009年2月28日星期六

一蚊雞課程

有時悶悶地都想搵D野,咁啱U Magazine同唔同單位合作舉辦「$1 Leisure Course」。課程多元化,有化粧﹑嘗茶﹑嘗酒、攝影課等,所有課程只需$1學 費,不妨睇下有無啱心水課程。所有學費仲會由U Magazine全數撥捐聖雅各福群會 轄下之眾膳坊食物銀行。又平又可以做善事,正喎!

要密切留意各課程開始報名的日期,因為有D課程都幾快滿額。可惜個旅遊相片編 輯工作坊咁早爆滿,如果唔係都會報名。我而家就等緊報旅遊攝影工作坊。

詳情可瀏覽U Magazine 網頁:
http://www.umagazine.com.hk/event_result.php?event_pkey=56

近期信用卡演唱會優先訂票

紅館開番,歌手輪住開concert,信用卡亦都順手搞個優先訂票,東亞同渣打黎緊就有呢個計劃,fans們要注意!

東亞卡 - 古巨基2009演唱會
日期:2009年4月23、24、26日
票價:$450/$300/$200/$100
優先訂票(白金卡):2009年3月2日至6日 9am - 9pm,致電2185 6194
優先訂票(其他卡):2009年3月3日至6日 9am - 9pm,致電2861 1611
手續費:每張$20或者用5,000積分豁免手續費
http://www.hkbea.com/hk/pb/cc/latest_promotion/promotion_5/index_tc.htm

渣打卡 - 謝安琪吶喊演唱會2009
日期:2009年5月8日至10日
票價:$450/$300/$200/$100
優先訂票:2009年3月9日至13日 9am - 9pm,致電2861 1611
手續費:每張$20
特別優惠:Click-a-Count Titanium卡可享票價10%回贈,以兩張門票為限,最多回$50
http://www.standardchartered.com.hk/promo/kay-tse/zh/index.html

2009年2月27日星期五

麥當勞超值選與美食優惠咭

麥當勞呢排又搞新花臣,首先超值選個邊,$9一個豬柳蛋漢堡,麥香雞順手加價由 $8變$9,同埋新加入$6香芋批,難得蘋果批維持$5。
同時間新出左張美食優惠咭,$10一張,買下列A款美食一款,送B款美食一款,5月 20日前無限次使用。

A款美食
汽水(大) $8.8
雀巢檸檬茶 / 蜂蜜雪梨茶(大) $10.5
McCafe意大利泡沫咖啡 / 鮮奶咖啡(12oz) $19
McCafe凍優質濃香咖啡(12oz) $12.6
麥旋風 $9.3
蘋果批2件 $10

B款美食
新地 $6.8
雀巢檸檬茶 / 蜂蜜雪梨茶(大) $10.5
汽水(大) $8.8
濃滑奶茶 $8.7
熱朱古力 $8.3
優質濃香咖啡 $9.0

* 個價錢係去麥當勞網頁睇,要注意間間麥當勞價錢係唔同架!

如果好似平時買餐再加甜品既叫法,睇下抵唔抵先:
豬柳蛋漢堡 $9
薯條(中) $8.8
汽水(大) $8.8
送新地
咁計都要$26.6,已經揀左最平既飽,都唔係平好多……不過約埋friend吹水,叫兩 杯野飲share都OK既,

M記另外仲有媽咪會同麥樂會,之後再講。

2009年2月26日星期四

去日本城買滿$50, 佢送返$50?!

呢排個鬧鐘壞左,咁0岩經過日本城就睇下有無0岩心水,見到個幾0岩心水的RYTHM (麗聲, 日本牌子),有八折就買左。但今次所講的著數無咁簡單。

而家去日本城集團(包括日本城、生活提案、文具世代或優質乾洗會)買滿$50, 就送優惠小冊子(共有$50優惠券):
1.兩張日本城或生活提案$5優惠券 (買滿$50才能用)
2.兩張優質乾洗會$5優惠券 (買滿$50才能用)
3.兩張文具世代$5優惠券 (買滿$50才能用)
4.一張日本城或生活提案$10優惠券(買廚具用品滿$150才能用)
5.一張日本城或生活提案$10優惠券(買小家電滿$150才能用)

有效日期係三月一日至三月三十一日,短就短左D,但係覺得有用的話不妨留意 下。我就覺得總會有張0岩用,文具優惠券可以俾細路妹用,其他券孝順下父母都 正啦。當你只係用到$10優惠券,之前買果樣野都差唔多另外再平八折。

免費聽Talk渣飛機

起Megabox間Flight Experience一直主打用737飛機既真實儀器玩Flight Simulator,宜家有推廣活動,2/26,3/7,3/13三日分別有唔同既主題演講,完左 仲有5分鐘試玩,一嚐渣飛機滋味!每日得30個位,要玩就要快!
http://www.flightexperience.com.hk/en/

卡拉OK折扣優惠決戰

Neway
農曆年個陣Neway首先推出全單7折,家陣鬥價鬥到最低全單6折,仲話唔收版權費!即刻睇下佢個條款先:
星期日至四及公眾假期全單6折
星期六、日及公眾假期前夕全單7折
加一服務費要照原價收
CEO花生,果盤都要原價收

加州紅
另一邊廂,加州紅大大隻字寫到明全星期、全線、全時段全單7折,優惠去到4月30日,不過早餐無優惠。3月31日之前仲有1蚊自助餐比你嘆下咁話!

2009年2月25日星期三

Pappagallo「一磅價錢,兩磅享受」

Pappagallo推出訂蛋糕送1磅優惠,所以2磅雪糕蛋糕只要$218,普通蛋糕就只需要$168!以連鎖店黎講,都應該係全城最平架啦!

有6個雪糕蛋糕同6個普通蛋糕選擇,優惠期至4月3日。訂蛋糕要3個工作天前,要訂就去官方網頁。
http://www.pappagallo.coam.hk/services/eshop/main.php?action=list&CatType=Category&CatID=18&lang=tw

2009年2月24日星期二

齊抗金融海嘯!三、四月飲食業優惠

「齊抗金融海嘯大聯盟」會起今年推出零售同飲食業既大型優惠活動,打頭炮係三、四月既飲食優惠,參與商戶會提供$1產品或者全單八折優惠。
個優惠表可以起下面條link度download,要留意個集團未必間間分店有優惠,優惠期亦都唔保証全個三、四月都有,而$1優惠通常有數量限制。
http://www.jcaft.org/trad/search.php

睇番個表,$1優惠通常係限制多多,要指定時間,每日限售,都幾難攞優惠。相比起來,全單八折容易有,同埋金額大D,比較吸引。
算最易有既$1優惠係麥當勞,上午9點至11點,可以$1買8oz即磨咖啡,間分店無就比普通咖啡,3月9至20日,星期一至五有效。

港鐵友禮會「站站獎」新一輪禮品

港鐵個「站站獎」計劃起3月1日就會轉新禮品,亦係活動既最後一期禮品,今次淨係得單程飛同車站商店10蚊現金券。講特別真係唔夠宜家Kubi個D特別,古巨基 Fans記得起2月28日前最後搏殺!換野要揾「e分鐘著數機」,下面條link話埋你知邊個站有部機。
另外,3月1日起,車站商店消費滿$30送30積分,詳情都係睇下面D link。

禮品詳情:3月1日至6月30日
港鐵大使單程票 400分(有2款,3至4月1款,5至6月1款)
$10車站商店現金券 400分(3月31日前為300分)

禮品詳情:2月28日之前
Kubi單程票 400分
Kubi多用途袋連吊飾 100分 + $28
Kubi USB 2GB 100分 + $58
Kubi x 豆腐人Tee 200分 + $128

e分鐘著數機
https://www.mtr.com.hk/mtrclub/images/chi/EIB_Map.jpg

港鐵車站商店購物送積分詳情
http://www.mtr.com.hk/mtrclub/club_prom.php?p=instant_reward_detail

2009年2月22日星期日

領匯「隨意泊」優惠計劃

好多車主都知道養車其實係一樣幾高消費既玩意,每年都要俾牌費保險費,呢啲都唔慳得,再加上每次揸車既油費同泊車費,其實都幾溶...

現時油價回落,車主最煩惱既可能係去邊度泊車最平最抵,其實個個車主都希望去 到邊就泊到邊,無論吃喝玩樂,都唔洗考慮每個停車場既收費,咁啱有日行過領匯 商場見到領匯停車場「隨意泊」優惠計劃,領匯停車場月租私家車車位用戶只須每 月另加388元,便成為「隨意泊」用戶,即平均每天額外付出13元,即可於領匯旗 下161個停車場的時租車位,由每天早上8時至凌晨12時,免費任泊!

如果你係領匯停車場月租私家車車位用戶咁就啱晒,參與既領匯停車場遍佈港九新 界,包括距離香港電影資料館10分鐘步行時間既愛東商場停車場,距離香港仔海濱 公園及香港仔漁類批發市場15分鐘步行時間既田灣商場停車場,距離赤柱廣場3分 鐘步行時間既赤柱廣場停車場,距離「昂坪360」5分鐘步行時間既富東商場停車 場,距離香港濕地公園15分鐘步行時間既天澤商場停車場...真係去邊度玩都唔洗 左計右計,再加上農曆新年就到,去親友屋企度拜年,附近都總會有個領匯停車 場,泊幾耐都唔駛擔心啦!

申請表可以係領匯旗下商場客戶服務中心或領匯旗下停車場繳費處索取,亦可到領 匯網址www.thelinkreit.com下載。

2009年2月20日星期五

Pizza Hut外賣自取9折

有日開party諗住訂pizza,怕等得太耐,決定外賣自取。我地當然用左之前講過既網上訂購拎免費小食啦!去到鋪頭諗住比錢,好好心既waiter哥哥有個温韾提示,就係用以下信用卡全年都有外賣自取9折優惠:美國運通、中銀、東亞、花旗、星展、Compass Visa、恒生、匯豐、渣打、Manhattan,咁大包圍,都無乜可能唔中你個張啦。

2009年2月18日星期三

UA睇完戲,票尾都有用!?

如果你有UA 1月至3月既票尾,再去買UA正價戲飛,可減10蚊,買小食部套餐可另外減8蚊。星期一至五正價戲飛先用得,不過平$10都抵過平時信用卡D 9折優惠啦。每次最多可以用4張票尾買4張新飛。

http://www.uacinemas.com.hk/images/news/47_CNY_18_l.jpg

2009年2月16日星期一

KFC優惠券

呢排KFC係咁搞優惠,之前講完KFC Visa卡,家陣又黎官方送優惠券,唔洗去揾報紙剪,直接去佢個網站download同print出黎就用得,得左!
http://www.kfchk.com/d_menu/kfc_coupon.pdf

另外呢,早幾日行過KFC,見到佢話KFC Fan Card 2008仲用得咁神奇,原來係指用Fan Card買$100現金券既9折優惠延長到2月28日。始終KFC Visa先得95折,都係現金券抵D,不過就要留意現金券用到12月31日炸。

2009年2月15日星期日

三聯商務春季優惠

呢排三聯同商務都不約而同有85折優惠,指定圖書仲可以低至7折,而各自亦有買滿指定金額,可享現金回贈,亦有買滿現定金額做會員。三聯綽頭仲勁D,有$1一 本圖書。

三聯優惠做到2月22日,商務就3月1日。書店唔係成日有優惠,有興趣可以去睇下佢地既網頁睇詳情。

三聯書店 http://www.jointpublishing.com/shopinfo/active/b036.jpg
商務印書館 http://www.cp1897.com.hk/generatedBookList/sales_springSale_040209.php

2009年2月13日星期五

AEON KFC Visa卡堂食95折

前排出晒新聞,AEON拍埋富邦出KFC payWave信用卡,仲係第一張為快餐店而設既 信用卡。

宜家申請,迎新禮物係KFC優惠券,而全年優惠係堂食、外賣自取95折,外賣9折, 一定要用呢張咭找數,同埋起KFC消費會有雙倍積分,可以 reference番AEON係 13,000分有$50大家樂,25,000分有$100 Jusco。呢張卡係永久免年費,一卡傍身 都唔洗煩,岩晒KFC Fans!

我上年都有KFC Fan Card,起碼個個月有個免費小食,食得多仲可以去到堂食9 折,宜家呢張Visa就取代左Fan Card,講真個優惠真係縮晒水,就算之前買現金券 有9折都抵過佢!所以優惠少左,無乜癮去食佢啦,佢個一人餐係公認食唔飽的。

2009年2月11日星期三

城巴機場快線優惠

今日搭城巴睇Roadshow,竟然有官方介紹城巴機場快線既jetso,緊係即刻記低佢啦!

相比起搭E字頭個D巴士,搭A線比較少甩路,比起港鐵又平唔少,都幾好架!我諗大家都知道佢有個八達通即日來回,第二程半價優惠,原來佢仲有另一個可以再平少少既來回優惠,兼且唔洗即日來回,咁樣先至岩旅遊人士嘛!

大家可以起以下地點,用優惠價買來回車飛,A10/A11/A12要$65,A21/A22就要$55:
  • 城巴顧客服務中心:機場地面運輸中心/中環(交易廣場)巴士總站
  • 新巴顧客服務中心:金鐘(東)巴士總站
  • 星晨旅遊
  • 安達旅運有限公司
  • 中銀旅遊有限公司
記住來回票要分開「往機場」同「往港島」「往九龍」,同埋要起發出日期三個月內用架!

官方網頁資料都算幾齊,原來A10開始有到站時間查詢,同埋港島既機場快線會有轉乘優惠!http://www.nwstbus.com.hk/content/default.aspx?intLangID=2&section=routes&page=cityflyerRoute

2009年2月9日星期一

信用卡海外簽賬交易費用 - 大眾最低

去旅行有時要簽卡比錢,咁就要留意下銀行對海外簽賬既收費!好多人見到月結單只係得一條數,以為無收到手續費,其實個費用已經計左落去架啦!

通常海外簽賬會用番Visa同Mastercard既兌換率,佢地會先收1%手續費,再加埋銀行自己會收交易費,兩樣野夾夾埋埋都有1至2%,會一次過計埋落匯率度。要留意既係匯率計算日期係過數日,唔係簽卡日,所以你簽卡個陣係無辦法知道匯率既實數架!另外呢,銀行計唔計互聯網過數為海外簽賬係唔同架,而呢D 野通常同海外簽賬額外積分有關。

上網搜集左D VISA卡收費,大致上Mastercard收費係一樣的:

若果計埋積分獎賞,假設恒生Cash Dollars同港幣係1兌1,回贈率就係1.2%,所以計番手續費就只係0.55%。至於最低收費既大眾,最少有0.5%現金回贈(每月簽賬滿$5,000有0.6%),計番手續費係0.5%,僅僅贏一個馬鼻。

另外呢,起香港簽賬比外幣,收費又有D唔同架!

至於返大陸呢,我知道中銀張銀聯雙幣信用卡起大陸簽賬係無收額外費用架,直接用番人民幣結算。

幫自己講返句先,呢度無揾晒所有咭既優惠,因為好多卡都會有推廣海外簽賬額外積分,剎那間真係好難揾晒出黎,漏左就唔好意思啦。希望大家都幫幫手,分享下最新消息吧。

[4月3日] 睇埋下一篇「再說信用卡海外簽賬 」!

2009年2月7日星期六

KFC網上訂講外賣速遞

公司間唔中都會叫KFC外賣做下午茶,所以周不時都留意下KFC。最近http://www.kfchk.com/終於推出左網上訂講外賣服務,而且仲好老實咁話晒邊間銀行有優惠!比較大路既恒生、匯豐、中銀、渣打買滿$150有九折,睇下大家鍾意點揀。

講開又講,兩個出名既外賣電話都幾似,KFC係2180 0000,Pizza Hut係3180 0000^_^

2009年2月5日星期四

無理由唔申請!免費做APM VIP!

宜家APM招幕VIP,只要去下面個網頁登記資料就可以免費申請,記住要check番email確認架!確認之後隔一段時間就會收到拎咭既mail,不過我今日去拎咭,佢地已經無晒迎新禮物啦。
http://www.apm-millenniumcity.com/chi/membership/membership.php

張咭既優惠都OK,講D比較common既:
  • i.t.,Catalog,New Balance,馬拉松正價有9折
  • 紅螞蟻滿$250減$50
  • Spaghetti House加一前滿$250有9折
  • JP@apm有9-95折(特價品除外)
  • 鐳射單一貨品滿$2000平$100
  • 其餘優惠有Cour Carre,extravaganza,IPSA,Shiseido,Oliver Super Sandwiches等等

2009年2月3日星期二

港鐵友禮會

如果大家有搭開港鐡,應該會見到呢排車站都有宣傳古巨基隻Kubi既「港鐵友禮會」禮品,本來以為呢個會係人人都入既,但係身邊竟然有幾個朋友都唔知點入會,所以今次要特登講下啦!

要入會,首先係去番港鐵個網站,填番八達通同個人資料免費入會。而最主要既目的就係為左佢個「站站獎」計劃,無論搭港鐵、機場快線、輕鐵、港鐵巴士,只要洗$1就得1分,儲夠分就可以換禮品,禮品通常都係400分換1張單程票,而宜家做推廣既Kubi產品,就可以用分再加錢換,古巨基Fans岩晒!想換禮品就要去到某D車站先有既「e分鐘著數」機,拍張八達通,印D積分收據出黎,再去客務中心換禮品。

可能你覺得400蚊先有1張單程票,唔係好抵,但係搭車都係日常洗費之一,呢個優惠都近乎係不勞而獲,所以唔好睇少佢呀!換番兩張去東涌outlet行下都正啦!

港鐵友禮會網頁
http://www.mtr.com.hk/mtrclub/index.php

2009年2月2日星期一

Neway全單7折

Neway推出震撼優惠,逢星期日至四,全日任何時段都有全單7折。佢無寫個優惠到幾時,但係估計成個2月都會有,去之前可以上 www.newaykb.com度查一查先。

卡拉OK有7折就真係好少見啦,但係亦有好多人話Neway新歌唔係好齊,大家要衡量下啦。

2009年2月1日星期日

Pizza Hut網上訂講外賣速遞

一大班人想叫外賣,通常Pizza都係其中一個熱門選擇。去到佢個網頁,會分開「簡易快線」同「全線美食區」,呢個時侯就係要睇你有無比心機叫外賣啦!

貪方便既「簡易快線」就唔洗登記做會員,但係每個餐既內容就set死左,你只可以叫佢個D一早準備好既選擇。

至於推介大家用既「全線美食區」,只要免費登記做會員之後就用得,網上訂購滿 $160就會有免費小食送,而Pizza Card用積分換食物亦都只適用於「全線美食 區」。就係因為呢個滿$160送一客既小食,所以大家記得要分單!盡量將要叫既野食分開幾張各自滿$160既單,咁就可以多D小食。(因為你一張單$320佢都只係會一個小食比你。)

另外呢,我地試左WOW!常餐,35蚊有飯有湯有汽水有包,真係幾抵,飯既份量同平時訂Pizza餐個D一樣,當然D款式同材料就差D D。Pizza Hut外賣速遞要$60先得, 大家揾個friend一齊就夠,仲可以簽信用卡儲積分添!