「八達通日日賞」與港鐵商場「密密食 密密日日賞」

我諗大家都會用八達通，唔知大家有無加入「八達通日日賞」呢？呢個日日賞都推行左好耐，唔知點解身邊仲有唔少人無入會，即係又要介紹下啦！

日日賞最主要係去指定商戶消費，無論用現金定八達通比錢，都會有相等於消費0.5%的日日賞$，到你之後再去指定商戶，就可以揀用左呢D日日賞$比錢先！而比較common既指定用戶就係McDonalds、Delifrance、惠康、Market Place、東海堂、快圖美、UA Cinemas，不過有時D收銀員唔係好記得比現金都可以儲日日賞$，所以你最好比錢前就講聲要儲分，咁佢地就會識做架啦，否則佢地完成左交易先講，就幫唔到你架啦！

有時日日賞$1又唔一定等於1蚊雞既，佢不時都做下推廣，只要日日賞$再加少少現金都可以換禮品，家陣推廣既係起大快活消費，日日賞$1可以等於 $1.5，到1月25號就完架啦！

講完八達通本身既野，又要講下點樣賺多D分啦！港鐵旗下既德福商場、青衣城、杏花新城，不時都做日日賞推廣，呢期就係起指定商戶，無論用信用卡定八達通消費滿指定金額（德福同青衣係$150，杏花係$100），就可以去推廣攤位抽額外日日賞獎，最高有30倍日日賞$咁多！一星期內登記5次更可以有張MTR 商場50蚊現金券洗。港鐵旗下D大商場一向都搞得唔錯，日後有大班朋友gathering，不妨考慮下呢D地方，順便賺D分幫保下。