恒生卡聖安娜餅屋全年優惠

雖然宜家恒生卡做緊聖安娜賀年食品推廣，但係更加吸引我既係佢個全年折扣優惠。

平時買西餅、蛋糕、中西式麵包都有9折優惠，只要臨比錢show下張咭就得。至於生日蛋糕，就有85折。呢D優惠都幾乎等於聖安娜張VIP卡既優惠！

至於點樣拎佢張VIP卡呢？我問過佢地話無得申請架，但係如果你有08年個張VIP卡，就可以同佢地填番資料，換番張09年架喎！

點解會咁留意聖安娜呢，因為佢既麵包起咁多間連鎖店黎講算係比較平既，而且有中式包點揀，幾蚊雞買個一定夠熱既中式包。加埋恒生個9折優惠，做早餐係唔錯既選擇。