「運動家/CPU」與「馬拉松/GigaSports/Catalog」VIP咭

新年前可能有唔少人買鞋，今次就想講下兩大運動鋪既VIP咭。

首先講下運動家，早排有唔少時間，運動家都做promo，買滿$800就做到VIP，我地估係永久會員，因為點揾都揾唔到限期。至於最緊要既就係買乜野都有折，一般正價貨品有85折，指定正價貨品有9折（通常係指Nike，Adidas，Columbia個類大牌子，最好用之前問下），就連特價貨品都有額外95折。一年內買滿$3000送兩張$50現金券同精美禮品，$5000就變做5張。生日個個月就仲正，會送張優惠券比你，可以7折買任何貨品一件，另有免費送小禮物，我個次就係一個Everbest鎖匙扣。 仲有仲有，運動家張咭係可以起CPU用架！

至於另一個陣營就係馬拉松，GigaSports，Catalog，想做會員都係要等佢promo，十二月尾就見到GigaSports買滿 $800可以做會員，3年內只要消費過就可以保留會籍。網上寫會員卡都係有正價85折，Nike，Adidas個D指定品牌正價9折，特價貨額外95折。原來仲有得買滿$2000升做尊賞卡，洗$1得1分（生日月份有2分），3000分可換$50現金券同5000分換$100。

就咁睇運動家梗係正D，唔洗理限期，買到幾千錢既回贈都多過人地=)自從有左張運動家咭，如果唔係特別追款，都係起運動家慢慢揀算，通街好多野都係例牌9折，但係特價貨品都有得折就真係好happy。